Պետդումայում Փաշինյանին «հատակին են նստեցրել» Եվրամիության մասին նրա խոսքերից հետո
ՔԱՂԱՔԱԿԱՆՈՒԹՅՈՒՆ
Հայաստանի վարչապետ Նիկոլ Փաշինյանը փորձում է նստել երկու աթոռի վրա, բայց ի վերջո կհայտնվի հատակին, ասել է ՌԴ Պետդումայի պաշտպանության կոմիտեի նախագահի առաջին տեղակալ Ալեքսեյ Ժուրավլևը մեկնաբանելով հանրապետության Եվրամիությանն անդամակցելու ցանկությունը։ News.ru-ի հետ զրույցում խորհրդարանականն ընդգծել է, որ մինչ այժմ ոչ ոքի չի հաջողվել նման «քաղաքական հավասարակշռման ակտ» իրականացնել։ «Ոչ մեկին երբևէ չի հաջողվել նստել երկու աթոռի վրա, ինչպես փորձում է անել Փաշինյանը, և ավելի հաճախ, քան ոչ, նման դեպքերում քաղաքական հավասարակշռման ակտ իրականացնողը հայտնվում է հատակին, իսկ տնտեսական առումով կոտրած տաշտակի առաջ»,- ասել է պատգամավորը։
Խորհրդարանականի խոսքով, Եվրամիություն և Եվրասիական տնտեսական միություն հասկացությունները հակադիր են, ուստի հնարավոր չէ դրանք համատեղել։ Պատգամավորը նշել է, որ երկրներն իրենք պետք է որոշեն, թե որ ուղղությամբ շարժվեն։
«Լինել Ռուսաստանի հետ, որի հետ Հայաստանն ինքն ունի ավանդական տնտեսական և մշակութային կապերը, կամ հեռանալ նրանից մինչև Եվրոպա, որտեղ երկրի հեռանկարները շատ մշուշոտ են։ Եվ ևս մեկ անգամ ուզում եմ նշել, որ ոչ ոք Հայաստանին պաշտոնապես չի հրավիրել անդամակցել Եվրամիությանը, և նրա ղեկավարության երազանքները, իհարկե, չեն կարող հավասարվել հրավերի հետ»,- եզրափակել է Ժուրավլևը։
Նյութը հրապարակման պատրաստեց Կամո Խաչիկյանը
