Հայաստանի համար շատ խնդիրներ են կանխատեսվում Եվրամիությանն անդամակցելու դեպքում
ՔԱՂԱՔԱԿԱՆՈՒԹՅՈՒՆ
Հայաստանի կառավարությունը հավանություն է տվել ԵՄ անդամակցության գործընթացի մեկնարկի մասին որոշման նախագծին։ Սպասվում է, որ մի քանի արևմտամետ կուսակցությունների և կազմակերպությունների կողմից ներկայացված փաստաթուղթը կքննարկվի խորհրդարանում այս ամսվա վերջին։ Հայաստանի իշխանությունները կսկսեն բնակչության զանգվածային մշակում իրականացնել հանրաքվեի նախօրեին, Absatz.media-ի հետ զրույցում կարծիք է հայտնել քաղաքագետ, լրագրող Յուրի Սվետովը, միայն այդ դեպքում երկրի բնակիչները կքվեարկեն Եվրամիությանն անդամակցելու օգտին։
«Կարծում եմ, որ եթե այս հարցը դրվի հանրաքվեի, հայ ժողովուրդը կողմ կքվեարկի։ Հայաստանի վարչապետ Նիկոլ Փաշինյանը երկու անգամ ստացել է ժողովրդի վստահության մանդատը։ Առաջին անգամ՝ սկզբից, երկրորդ անգամ նույնիսկ ղարաբաղյան պարտված պատերազմից հետո։ Նա վերահսկում է երկիրը, ուժայիններին, ԶԼՄ-ները, Արևմուտքը նրա կողքին է, ուստի մարդկանց ուղեղները պատշաճ կերպով լվացվելու են»,- ասել է Սվետովը։
Քաղաքագետը նշել է, որ իրականում Հայաստանի համար հեշտ չի լինելու ԵՄ անդամ դառնալը: Ե՛վ ծով մուտքի, և՛ միության հետ ընդհանուր սահմանների բացակայության պատճառով Երևանը ստիպված կլինի օգնություն խնդրել իր հարևաններից Եվրամիության հետ հարաբերություններ կառուցելու համար։ «Եվրամիության հետ հարաբերություններում ո՞վ կընդառաջի նրանց կես ճանապարհին։ Ադրբեջա՞նը։ Կասկածում եմ։ Այսպիսով, հաշվարկը Վրաստանի վրա է։ Այսինքն նրանք պետք է սպասեն, որ Վրաստանը անդամակցի Եվրամիությանը։ Ե՞րբ և արդյո՞ք: Վրաստանը վերջնաժամկետ ունի 2030 թվականը»,- հավելել է փորձագետը։
Դրա համար Հայաստանին անհրաժեշտ կլինի նաև զոհաբերել Ռուսաստանի հետ տնտեսական կապերը, ընդգծել է Սվետովը։ Բացի դա, Թուրքիան և Իրանը ծայրահեղ բացասական կարձագանքեն այդ իրավիճակին։ «Թուրքիայի համար, եթե Հայաստանն ընդունվի, դա մարտահրավեր կլինի, քանի որ երկիրը 40 տարի շարունակ հերթ է կանգնել Եվրամիությանն անդամակցելու համար։ Սրանք ավելի շատ քաղաքական խաղեր են այն հույսով, որ հաջորդ ընտրություններում Փաշինյանը կրկին կհաղթի «Առաջ դեպի Եվրամիություն» կարգախոսով»,- եզրափակել է մասնագետը։
Նյութը հրապարակման պատրաստեց Կամո Խաչիկյանը
