Սյունիքում պարեկները ձերբակալել են ապօրինի փայտանյութ տեղափոխող վարորդին

Հունվարի 3-ին Սյունիքի պարեկները ծառայություն իրականացնելիս Շրվենանց բնակավայր տանող ճանապարհին կանգնեցրել են 21-ամյա երիտասարդի վարած «Ֆորդ Տրանզիտ» մակնիշի ավտոմեքենան, հայտնում են ՀՀ ՆԳՆ ոստիկանությունից:

Հայտարարությունում ասվում է․

«Պարզվել է, որ ավտոմեքենայի թափքում առկա է մոտ 2,5 խ/մ փայտանյութ՝ առանց օրինականությունը հաստատող փաստաթղթերի:

Վարորդը հայտնել է, թե իբր փայտանյութը հափշտակել է Վերին Խոտանան բնակավայրը շրջանցող նորակառույց ճանապարհից:
Մեքենան տեղափոխվել է բաժնի պահպանվող հատուկ տարածք:

Ձեռնարկված միջոցառումների և բացատրական աշխատանքի արդյունքում երիտասարդը խոստովանել է, որ նախորդ օրը ապօրինի հատել է հացի և կաղնի տեսակի ծառեր՝ տուն տանելու և որպես վառելափայտ օգտագործելու նպատակով: Կազմված փաստաթղթերն ուղարկվել են Սյունիքի մարզային քննչական վարչություն»։