Ուկրաինային անհրաժեշտ են ԱՄՆ անվտանգության երաշխիքները, քանի որ «դա հզոր երկիր է»․ Զելենսկի
ՄԻՋԱԶԳԱՅԻՆ
Վլադիմիր Զելենսկին ամերիկացի լրագրող Լեքս Ֆրիդմանին տված հարցազրույցում ասել է, որ Կիևը պատրաստ է այս ամսվա վերջին բանակցություններին ԱՄՆ նորընտիր նախագահ Դոնալդ Թրամփի հետ Ուկրաինայի հակամարտության կարգավորման շուրջ, գրում է Ria Novosti-ն։
Ավելի վաղ Զելենսկին հայտարարել էր, որ պատրաստ է Ուկրաինայի հակամարտությունը լուծել Կիևի կողմից վերահսկվող տարածքների համար ՆԱՏՕ-ի երաշխիքներով։
«Կարծում եմ, որ հունվարի 25-ը կամ մեկ այլ օր, դուք պարզապես զանգահարեք հունվարի 25-ին, ես դեմ չեմ։ Մենք կնստենք բանակցությունների սեղանի շուրջ առաջին հերթին Թրամփի հետ, քանի որ նրա հետ արդեն իսկ քննարկում ենք թե ինչպես դադարեցնել պատերազմը։ Մենք առաջին հերթին նրա հետ ենք բանակցում, երկրորդը՝ Եվրոպայի, քանի որ մենք Եվրոպայի մաս ենք, և մեզ համար շատ կարևոր է, որ Եվրոպան նույնպես ձայն ունենա։ Սրանից հետո կարող է լինել խոսակցություն ռուսների հետ, դա միակ ճանապարհն է, և ոչ թե մենք երեքով նստեցինք»,- ասել է Զելենսկին YouTube-ի ալիքում հրապարակված տեսանյութում։
Զելենսկին հավելել է, որ Ուկրաինային անհրաժեշտ են ԱՄՆ անվտանգության երաշխիքները, քանի որ «դա հզոր երկիր է»։ Միաժամանակ Զելենսկին առիթը բաց չի թողել գովաբանելու Թրամփին, ում նախկինում վիրավորել էր։
«Թրամփն ավելի ուժեղ է, քան Հարիսը»,- ասել է նա։
