Չավին «Ալ-Սադի» կազմում նվաճել է Քաթարի Էմիրի գավաթը (ֆոտո)
ՖՈՏՈ
37-ամյա ֆուտբոլիստի թիմը նվաճել է Քաթարի Էմերի Գավաթը՝ եզրափակչում 2:1 հաշվով հաղթելով «Ալ-Ռայանին».
«Հաղթանակը թիմային ջանքերի շնորհիվ է տրվում, թիմի յուրաքանչյուր անդամի: Մենք երջանիկ ենք այս հաղթանակի համար, մրցակիցը Քաթարի լավագույն թիմերից մեկն էր:
Մրցաշրջանը նման հաղթանակով ավարտելը շատ արժեքավոր է»,- Չավիի խոսքերն է փոխանցում «Ալ-Սադի» պաշտոնական կայքը:
Հիշեցնենք՝ ապրիլի վերջին Չավին դարձել էր նաև Քաթարի գավաթակիր:
Ակումբը «Թվիթերի» իր էջում նաև լուսանկար է հրապարակել, որտեղ Քաթարի Էմիրի Գավաթով են հարձակվող Ռաուլ Գոնսալեսը, որը տիտղոսն ակումբի հետ նվաճել է 2014 թվականին, և Չավին, որը տիտղոսը գլխավերևում է պահել այս մրցաշրջանում.
«Պատմությունը կրկնվում է: Երեք տարի առաջ դա Ռաուլն էր: Հիմա Չավին է: «Ալ-Սադդ»-ը միավորում է երկու լեգենդներին»,- գրել է ակումբը «Թվիթերում»:
