Ոչ մի րոպե ավել չեմ ուզում մնալ Հայաստանում. ռեժիսոր Արտյոմ Հակոբյան
ՊԱՏՄՈՒԹՅԱՆ ԱՅՍ ՕՐԸ
Ռեժիսոր Արտյոմ Հակոբյանը ֆեյսբուքի իր էջի միջոցով հայտարարել է Հայաստանից հեռանալու որոշման մասին: Նա զայրացած է երկրում առկա որոշ երեւույթներից, ինչի մասին էլ նշում է գրառման մեջ:
«Ոչ մի րոպե ավել չեմ ուզում մնալ Հայաստանում, որտեղ չկա օրենք, ոչ ոք որպես ՀՀ քաղաքացի պաշտպանված չէ, որտեղ մի ոհմակ, թքած ունենալով յուրաքանչյուրիս վրա, արդեն լրիվ կորցրած իր մարդկային բոլոր գաղափարները, ուզում է մեր արյունը ծծել մինչեւ վերջին կաթիլը, որտեղ արդեն ժողովրդի մեծ մասն էլ դարձել է իրենց նման վամպիր, որովհետեւ կծել վարակել են, որտեղ մինչեւ չսապոնվես էտ ոհմակից ինչ-որ մեկին, ոչինչ չես ունենա, որտեղ անգրագետներն ու անճաշակներն են որակի ու ճաշակի թելադրողները, որտեղ երգիչները մենակ հարսանիքների համար են, որտեղ հեռուստատեսության եթերում մինչեւ չտես կամ նուրբիկ տղա չլինես ու հոնքերդ չհանես, ռեյտինգ չես ունենա, որտեղ քաղաքական գործիչները մինչեւ քֆուր չտան չեն հանգստանա, որտեղ բոլորը թքած ունեն իրար վրա, որտեղ ուրախանում են, երբ իմանում են, որ ինչ-որ մեկի մոտ ինչ-որ բան էն չի ու ոչ թե հակառակը:
Հ.Գ. էս ցուցակը անվերջ է, բայց էսքանը արդեն հերիք է, որ էլ չուզեմ երեխեքս էս երկրում մեծանան»,-գրել է նա՝ կից հրապարակելով նաեւ տունը վաճառքի հանելու հայտարարությունւ:
