Պատգամավոր Ժուրավլև. Փաշինյանը հնարավոր է իր համար պարաշյուտ է ստեղծում՝ Ֆրանսիայի քաղաքացիության տեսքով
ՔԱՂԱՔԱԿԱՆՈՒԹՅՈՒՆ
Հայաստանի վարչապետ Նիկոլ Փաշինյանը կարող է իր համար «ոսկե պարաշյուտ» է ստեղծել Ֆրանսիայի քաղաքացիության տեսքով, news.ru-ի հետ զրույցում կարծիք է հայտնել ՌԴ Պետդումայի պաշտպանության կոմիտեի նախագահի առաջին տեղակալ Ալեքսեյ Ժուրավլևը։ Նրա խոսքով Փաշինյանը տարբեր պատճառներ է հորինում Ռուսաստանից ու Բելառուսից հեռու մնալու համար: «Փաշինյանը վաղուց ամենատարբեր պատճառներ է հորինում ԵԱՏՄ-ի ու ՀԱՊԿ-ի իրադարձություններին հնարավորինս քիչ մասնակցելու համար: Երբեմն նա դա անում է բացահայտ, երբեմն քողարկված, բայց իմաստը պարզ է՝ հեռու մնալ Ռուսաստանից և Բելառուսից։ Ակնհայտ է, որ դա հենց այն է, ինչ նրան ասել են արևմտյան կուրատորները, որոնք ամեն ինչ անում են Հայաստանից երկրորդ Ուկրաինա ձևավորելու համար»,- ասել է Ժուրավլևը։
Պատգամավորը կարծում է, որ առանց Ռուսաստանի Հայաստանի տնտեսությունը «կխորտակվի»: Նա չի բացառել, որ Փաշինյանը կարող է մշտական բնակության տեղափոխվել Ֆրանսիա: «Միևնույն ժամանակ, առանց Ռուսաստանի մասնակցության, Հայաստանի տնտեսությունը պարզապես կփլուզվի, բայց այդ իրավիճակում ոչ ոքի չի հետաքրքրում։ Ամենայն հավանականությամբ, Փաշինյանն իր համար արդեն պատրաստել է ինչ-որ «ոսկե պարաշյուտ» Ֆրանսիայի քաղաքացիության տեսքով։ Եվ նա, անշուշտ, կտեղափոխվի այնտեղ, երբ Հայաստանն իր հմուտ ղեկավարությամբ արդեն անդունդն ընկած լինի»,- եզրափակել է Ժուրավլևը։
Նյութը հրապարակման պատրաստեց Կամո Խաչիկյանը
