«Ալիևն այստեղ ճիշտ է». Ռուսաստանում ՀԱՊԿ-ից Հայաստանի դուրս գալը կապել են ԱՄՆ Պետդեպարտամենտի հետ
ՔԱՂԱՔԱԿԱՆՈՒԹՅՈՒՆ
Ադրբեջանի նախագահ Իլհամ Ալիևն իրավացի է, որ Հայաստանը ՀԱՊԿ-ից վերջնական դուրս գալու համար Վաշինգտոնից սպասում է լուսացույցի կանաչ լույսին։ Այս մասին info24.ru-ի հետ զրույցում ասել է Մերձավոր Արևելք-Կովկաս հետազոտական կենտրոնի տնօրեն Ստանիսլավ Տարասովը։
«Ըստ ամենայնի, այո, նրանք իրենց ջանքերը համակարգում են իրենց նոր արտաքին գործընկերների հետ, և որոշ ոլորտներում ՀԱՊԿ-ի հետ կապված արտաքին քաղաքականություն են ձևավորվում։ Դա գաղտնիք չէ, Ալիևն այստեղ ճիշտ է»,- կարծիք է հայտնել փորձագետը։
Հիշեցնենք, որ Ադրբեջանի նախագահ Իլհամ Ալիևը RIA Novosti-ի գլխավոր խմբագիր Դմիտրի Կիսելևին տված հարցազրույցում ասել էր, որ Հայաստանն արդեն փաստացիորեն դուրս է եկել Հավաքական անվտանգության պայմանագրի կազմակերպությունից (ՀԱՊԿ), բայց դե յուրե դա կանի այն ժամանակ, երբ ստանա «պետդեպարտամենտի թույլտվությունը»։
«Հայաստանը, ըստ էության, դե ֆակտո դուրս է եկել ՀԱՊԿ-ից։ Մեր ճշտված տվյալներով՝ դե յուրե չհեռանալու միակ պատճառն այն է, որ դեռ Պետդեպարտամենտի թույլտվությունը չեն ստացել։ Հենց որ ստանան, դուրս կգան»,- համոզմունք է հայտնել Ադրբեջանի ղեկավարը։
Ավելի վաղ Հայաստանի վարչապետ Նիկոլ Փաշինյանը բազմիցս հայտարարել էր, որ հանրապետությունը «սառեցրել է» իր մասնակցությունը ՀԱՊԿ-ին և հայտարարել այդ կազմակերպությունից դուրս գալու մասին։ Արդեն որոշակի ժամանակ է, ինչ Հայաստանը դադարել է մասնակցել ՀԱՊԿ միջոցառումներին, սակայն ամեն անգամ համաձայնվում է ստորագրել համաձայնեցված բանաձևերը։
Նյութը հրապարակման պատրաստեց Կամո Խաչիկյանը
