Քաղաքագետ Սարգսյան. Ռուսաստանի և Հայաստանի հարաբերություններում ջերմացում չի լինի
ՔԱՂԱՔԱԿԱՆՈՒԹՅՈՒՆ
Հայաստանի վարչապետ Նիկոլ Փաշինյանը չի պատրաստվում խզել հարաբերությունները Ռուսաստանի հետ, քանի որ դրանք տնտեսապես ձեռնտու են իրեն, news.ru-ի հետ զրույցում ասել է Հայաստանի դեմոկրատական կուսակցության նախագահ Արամ Սարգսյանը։ Նրա խոսքով, քաղաքականապես նա կողմնորոշված է դեպի Արևմուտք, և նրա իշխանության օրոք Մոսկվայի և Երևանի միջև ջերմացման պետք չէ սպասել։
«Փաշինյանը չի հրաժարվում Ռուսաստանի հետ հարաբերություններից, նա մասնակցում է ԱՊՀ երկրների ղեկավարների ֆորումներին և փաստացի չի լքում ՀԱՊԿ-ը: Ի վերջո, նա հասկանում է, որ Հայաստանը կարող է դուրս մնալ ԵԱՏՄ-ից՝ Երևանի համար բացարձակապես անփոխարինելի կազմակերպությունից։ Փաշինյանը չի ցանկանում կորցնել Ռուսաստանի հետ ապրանքաշրջանառությունը, որը հասել է 14 միլիարդ դոլարի: Բայց քաղաքական հարաբերությունները նույնը չեն, ինչ տնտեսականը, Երևանի և Մոսկվայի միջև դաշնակցային հարաբերություններ գործնականում չկան, իսկ ներկայիս իշխանությունների օրոք պետք չէ ջերմացում ակնկալել»,- ասել է Սարգսյանը։
Նրա խոսքով, Փաշինյանի օրոք անհնար է, որ Երևանը թեքվի դեպի Մոսկվա, քանի որ այս ամառ են ՀՀ իշխանությունները ռուս սահմանապահներին ստիպել լքել «Զվարթոնց» օդանավակայանը։
Ավելի վաղ ՌԴ նախագահի մամուլի քարտուղար Դմիտրի Պեսկովը հայտնել էր, որ Սանկտ Պետերբուրգում ԱՊՀ-ի ոչ պաշտոնական գագաթնաժողովում ՌԴ նախագահ Վլադիմիր Պուտինի և Հայաստանի վարչապետ Նիկոլ Փաշինյանի առանձին հանդիպում չի նախատեսվում։ Նա հավելել էր, որ անհրաժեշտության դեպքում երկու երկրների ղեկավարները կկարողանան խոսել։
Մինչ այս Փաշինյանը հայտարարել էր, որ Հայաստանի կողմից խորհրդային սահմաններից հրաժարվելը կնշանակի հրաժարում երկրի ինքնիշխանությունից։ Նա նշել էր, որ միջազգային հանրության կողմից ճանաչված տարածքը կարևոր է Երևանի համար ու պետական բուֆեր է։
Նյութը հրապարակման պատրաստեց Կամո Խաչիկյանը
