Աննախադեպ ցուցանիշ. «Թիմի» նորագույն մանրաթելային ցանցն արդեն հասանելի է Հայաստանի 350 հազար ընտանիքի. «Փաստ»

Օրերս հայտնի դարձավ, որ Team Telecom Armenia-ն ընդլայնել է տարածաշրջանում եզակի օպտիկամանրաթելային NGN ցանցի ծածկույթը՝ ներառելով Վայոց ձորի և Արմավիրի մարզերի բոլոր քաղաքները։ Նոր ցանցը, որն ապահովում է մինչև 25 000 Մբ/վ թողունակություն, հասանելի է Ջերմուկ, Եղեգնաձոր, Վայք, Արմավիր, Մեծամոր և Վաղարշապատ քաղաքների շուրջ 40 000 տնային տնտեսություններին։

 

Այսպիսով, Team-ի NGN ցանցն արդեն ծածկում է Հայաստանի տնային տնտեսությունների 40 տոկոսը՝ արդեն իսկ հասանելի լինելով շուրջ 350 հազար ընտանիքի, որը բավական լուրջ ցուցանիշ է համարվում մասնագետների կողմից։ Հայաստանի տարածքում այն գործում է 40 բնակավայրում, իսկ մայրաքաղաքում՝ յոթ վարչական շրջաններում՝ Ավանում, Արաբկիրում, Դավթաշենում, Քանաքեռ-Զեյթունում, Կենտրոնում, Նոր Նորքում և Շենգավիթում:

 

Նշենք, որ բաժանորդները կարող են օգտվել գերարագ ինտերնետից՝ միանալով Cosmo սակագնային փաթեթներին, որոնք ապահովում են մինչև 1000 Մբ/վ արագությամբ ինտերնետ, թվային հեռուստատեսություն, ֆիքսված և բջջային կապ, իսկ փաթեթի հետ տրամադրվող Cosmobox սարքը, փոխարինելով ավանդական TV-սարքին, հեռուստացույցը դարձնում է «խաղային»։ Բաժանորդներին հասանելի է մոտ 2000 խաղ, որոնք ամպային տեխնոլոգիաների շնորհիվ կարելի է խաղալ գրեթե ցանկացած սարքի վրա։

 

«Մենք շարունակում ենք NGN ցանցի կառուցումը և՛ Երևանում, և՛ մարզերում։ Այս ջանքերը, որ գործադրում ենք ցանցի կառուցման համար, դեռ տասնամյակներ շարունակելու են օգուտ տալ և հնարավորություններ ստեղծել մեր երկրի համար»,- նշում է Team Telecom Armenia-ի գլխավոր տնօրեն Հայկ Եսայանը։