Եթե պարտվի՝ կկորցնի ամեն ինչ․ Արման Ծառուկյանը՝ Մախաչևի մասին
ՍՊՈՐՏ
UFC-ի թեթև քաշային կարգում չեմպիոնական գոտու հավակնորդ Արման Ծառուկյանը պատասխանել է՝ արդյոք լրացուցիչ ճնշում է զգում Իսլամ Մախաչևի հետ մենամարտից առաջ։
«Ոչ։ Ես սա անում եմ հաճույքի համար, և այդ պատճառով ինձ վրա ճնշում չկա։ Ես պարզապես զբաղվում եմ իմ սիրելի գործով… այն, ինչ ինձ դուր է գալիս, այո՛։ Բայց Իսլամի մոտ կա տիտղոս, մեծ թիմ, ինչպես նաև շատ մարդիկ, որոնք օգնում են նրան։ Ես մի փոքր այլ եմ։ Եթե ես պարտվեմ, ոչ ոք ոչինչ չի ասի, բայց եթե նա պարտվի, ամեն ինչ կկորցնի»,- հայտարարել է Ծառուկյանը ESPN MMA-ի հետ զրույցում։
Մախաչևը և Ծառուկյանը առաջին անգամ մենամարտել են 2019 թվականին Սանկտ Պետերբուրգում կայացած մրցաշարի ժամանակ։ Այն ժամանակ դաղստանցին հաղթեց մրցավարների միաձայն որոշմամբ։ Երկրորդ մենամարտը տեղի կունենա 2025 թվականի հունվարի 18-ին Լոս Անջելեսում, որտեղ հաղթողը կստանա UFC-ի թեթև քաշային կարգի չեմպիոնի տիտղոսը։
