Կոնֆերենցիաների լիգա․ փլեյ-օֆֆի բոլոր մասնակիցները, վերջնական մրցաշարային աղյուսակը

Կայացավ Կոնֆերենցիաների լիգայի խաղարկության ընթացիկ մրցաշրջանում լիգայի փուլի վերջին՝ 6-րդ տուրը։ 

Այսպիսով՝ հայտնի են փլեյ-օֆֆի բոլոր մասնակիցները։

1/8 եզրափակչի ուղեգիր նվաճեցին «Չելսին», միակ թիմը, որն ունի 100 տոկոսանոց արդյունք, «Վիտորիան», «Ֆիորենտինան», «Ռապիդը», «Լուգանոն», «Յուրգարդենը», «Լեգիան» և «Սերկլ Բրյուգեն»։

9-24-րդ տեղերը զբաղեցրած թիմերը լրացուցիչ փլեյ-օֆֆում կվիճարկեն 1/8 եզրափակչի մյուս 8 ուղեգիրը։ Այդ թիմերն են՝ «Յագելոնիա», «Շեմրոկ», ԱՊՕԵԼ, «Պաֆոս», «Պանատինաիկոս», «Օլիմպիա», «Բետիս», «Հայդենհայմ», «Գենտ», «Կոպենհագեն», «Վիկինգուր», «Բորաց», «Ցելյե», «Օմոնիա», «Մոլդե», «Բաչկա Տոպոլա»։

Երևանի «Նոան» մրցաշարային աղյուսակում զբաղեցրեց 31-րդ տեղը՝ վաստակելով 4 միավոր։

Կոնֆերենցիաների լիգայի փլեյ-օֆֆ փուլի վիճակահանությունը կկայանա ուրբաթ օրը՝ դեկտեմբերի 20-ին։