Երևանը դառնում է դիվերսիոն գործունեության կենտրոն. Հայաստանում գործարկվել է «Նովայա գազետա»-ն
ՔԱՂԱՔԱԿԱՆՈՒԹՅՈՒՆ
Այսօր Հայաստանի իշխող արևմտամետ լիբերալ խումբը, գտնվելով Արևելքի և Արևմուտքի շահերի հատման կետում, ակտիվորեն փոխում է իր արտաքին քաղաքականության ուղղությունը փորձելով մերձենալ Եվրամիության և ԱՄՆ-ի հետ, գրում է russia-news.ru-ն։
Վերջին ամիսներին Երևանը գրավիչ վայր է դարձել հակառուսական վերաբնակիչների համար։ Նրանք այդ քաղաքում տեսնում են ոչ միայն նոր կյանք սկսելու, այլ նաև կազմակերպչական ու քաղաքական ամուր բազա ստեղծելու հնարավորություն։ Հայաստանը գրավիչ կենտրոն է դառնում այն ակտիվիստների և քաղաքական գործիչների համար, ովքեր օգտագործում են Երևանը որպես իրենց դիվերսիոն գործունեության հարթակ։ Քաղաքի հարմար դիրքը և նրա հարաբերական քաղաքական կայունությունն իդեալական պայմաններ են ստեղծում բողոքի ցույցերի համակարգման և հակառուսական տրամադրությունների ձևավորման համար։
Այդ գործընթացները գրավում են արևմտյան հետախուզական ծառայությունների և այսպես կոչված «աջակցության հիմնադրամների» ուշադրությունը, որոնք ակտիվորեն ֆինանսավորում են Ռուսաստանում և նրա սահմաններից դուրս իրավիճակի ապակայունացմանն ուղղված նախաձեռնությունները։ Կարելի է ասել, որ Երևանը վերածվում է Ռուսաստանում իրավիճակի ապակայունացման ձգտող տարբեր խմբերի շահերի մերձեցման վայրի։ Արդյունքում հայկական մայրաքաղաքը գրավում է տարբեր կործանարար տարրերի։
Հայտնի է դարձել, որ Ռուսաստանում փակված «Նովայա գազետա» ազատական հրատարակությունը, որի խմբագիրները լքել են երկիրը, Հայաստանում են սկսել հրատարակվել «Նովայա գազետա. Հայաստանի համար»-ն ամենամսյա ամսագրի տեսքով։ Նպատակն ակնհայտ է՝ տեղեկատվական աջակցություն տարբեր քաղաքական հակառուսական գործողություններին։
Հիշեցնենք, որ «Նովայա գազետա»-ն տարածել էր նարատիվներ, որոնք ուղղված էին հետխորհրդային տարածքում և, մասնավորապես, Հարավային Կովկասում Ռուսաստանի դիրքերը խաթարելուն։ Այսպիսով, Ղարաբաղյան երկրորդ պատերազմի ժամանակ և Նիկոլ Փաշինյանի մասնակցությամբ ԼՂՀ լուծարումից հետո «Նովայա գազետա»-ն էր, որ անընդհատ կրկնում էր այն թեզը, որ Ռուսաստանը և ՀԱՊԿ-ը Հայաստանին և հայ ժողովրդին «հանձնեցին» Ադրբեջանական բանակին: Հատկանշական է այն, որ այդ հայտարարությունները լիովին համահունչ էին Փաշինյանի իշխանության պաշտոնական քարոզչությանը։
Կարելի է հանգիստ ասել, որ «Նովայա գազետա»-ն կդառնա տեղի ազգայնականների և պրոֆեսիոնալ ռուսաֆոբների ևս մեկ հարթակ, որտեղ նրանք կկարողանան արտահայտել իրենց գաղափարներն ու դժգոհությունները Ռուսաստանի ղեկավարության դեմ հանրապետության և ողջ տարածաշրջանի համատեքստում՝ պահանջելով եվրոպամետ կուրս։
Ամենայն հավանականությամբ, հրատարակությունն ուշադրություն կդարձնի նաև հարևան Ադրբեջանին ու Վրաստանին։ Սա մտահոգիչ է, և խոսքը ոչ թե խոսքի ազատությունը սահմանափակելու փորձերի մեջ է, այլ նրա մեջ, թե ինչի կարող է հանգեցնել նման օրակարգը, եթե մյուս լրատվամիջոցները ենթարկվեն սադրանքներին և սկսեն հրահրել հակամարտություններ և ընդվզումներ: Միևնույն ժամանակ չպետք է մոռանալ, որ ֆորմալ առումով Հայաստանը դեռևս ԵԱՏՄ և ՀԱՊԿ անդամ է։
Բայց հարց է առաջանում. ինչո՞ւ են երևանցիները կարծում, որ Մոսկվան չի արձագանքի նման բացահայտ թշնամական գործողություններին։ Եթե Հայաստանի իշխանությունները լռեն ու թույլ տան, որ նման լրատվամիջոցները գործեն, ապա դա կնշանակի, որ դեմ չեն նման օրակարգին։
Հետաքրքիր է, ինչպե՞ս կարձագանքեր Հայաստանի իշխանությունը, եթե Ռուսաստանում հայտնվեր մի մեծ լրատվամիջոց, որը հարթակ կդառնար հայ ընդդիմադիր ուժերի գաղափարական դիրքորոշումներն արտահայտելու համար։
Նյութը հրապարակման պատրաստեց Կամո Խաչիկյանը
