Ռոնալդոն նշել է այն ֆուտբոլիստի անունը, որն ապագայում մեծ աստղ կդառնա
ՍՊՈՐՏ
Մադրիդի «Ռեալի» և Բրազիլիայի հավաքականի նախկին հարձակվող Ռոնալդոն կիսվել է «Պալմեյրասի» 17-ամյա հարձակվող Էստևաո Վիլյանի մասին իր կարծիքով, ում իրավունքները պատկանում են «Չելսիին»։ Ֆուտբոլիստը միանալու է անգլիական ակումբին 2025 թվականի ամռանը։
«Նա երիտասարդ և շատ տաղանդավոր խաղացող է։ Նա նման է Լամին Յամալին։ Շուտով նա կդառնա ֆուտբոլի մեծ աստղերից մեկը։ Նա շատ հեռանկարային է, և ընդամենը 17 տարեկան։ Կարծում եմ, որ նա հանդես կգա «Պալմեյրասի» կազմում Աշխարհի ակումբային առաջնությունում, ապա կմիանա «Չելսիին»»,- Ռոնալդոյի խոսքերն է փոխանցում լրագրող Բեն Ջեյկոբսը։
Ֆուտբոլիստը հանդիսանում է բրազիլական «Կրուզեյրոյի» սան, որտեղից 2021 թվականին տեղափոխվել է «Պալմեյրաս»։ Այս մրցաշրջանում հարձակվողը անցկացրել է 49 հանդիպում, որոնցում խփել է 19 գոլ և կատարել 12 գոլային փոխանցում։ Ըստ հեղինակավոր Transfermarkt-ի՝ Էստևաոյի շուկայական արժեքը կազմում է 40 միլիոն եվրո։
