Փաշինյանին հաջողվել է զանգել Թարմփին և շնորհարվորել հաղթանակի կապակցությամբ. ինչի՞ մասին է խոսքը
ՄԻՋԱԶԳԱՅԻՆ
ՀՀ վարչապետ Նիկոլ Փաշինյանին հաջողվել է հեռախոսազրույց ունենալ ԱՄՆ ընտրությունների հաղթող Դոնալդ Թրամփի հետ։ ՀՀ կառավարության մամուլի ծառայությունից հայտնել են, որ հեռախոսազրույցի ընթացքում Փաշինյանը նախ շնորհավորել է Թրամփին ընտրություններում տարած հաղթանակի կապակցությամբ, և երկրորդ հերթին մտքեր են փոխանակել «Հայաստանի և ԱՄՆ-ի միջև հարաբերությունների ներկա վիճակի և զարգացման հեռանկարների շուրջ»՝ հատուկ ընդգծելով գործընկերության նշանակությունը երկու երկրների համար «նոր աշխարհաքաղաքական իրողություններում» և տարածաշրջանային իրավիճակում։ Պահի առանձնահատկությունն այն է, որ Փաշինյանը ավելի շուտ էլ էր Թրամփին շնորհավորական ուղերձ հղել հաղթանակի կապակցությամբ, ինչից կարելի է ենթադրել, որ նրա զանգը ԱՄՆ նորանշանակ նախագահին նախապատրաստվել է որոշակի ուժերի կողմից և եղել է նպատակային, թեև տեղի ունեցած զրույցի մանրամասների մասին ոչինչ չի հաղորդվում։ Բայց դրան կա անուղղակի ուղեկցող գործոն: Փաստն այն է, որ նախընտրական քարոզարշավի ժամանակ Թրամփը մեղադրել էր Դեմոկրատական կուսակցության թեկնածու Քամալա Հարիսին 2023 թվականի աշնանը ղարաբաղյան երկրորդ պատերազմի ժամանակ անգործության և Լեռնային Ղարաբաղից հայերի արտագաղթի մեջ։ Արդյո՞ք դա նշանակում է, որ մի տեսակ ազդանշան է ուղարկվել Ադրբեջանի նախագահ Իլհամ Ալիևին Անդրկովկասում ԱՄՆ քաղաքականության նոր ուրվագծերի ի հայտ գալու մասին։ Հարցը քննարկել է Iarex.ru լրատվական գործակալության սյունակագիր Ստանիսլավ Տարասովը։
«Վստահաբար կարող ենք ենթադրել, որ Փաշինյանի հետ զրույցում Թրամփը հետաքրքրություն է ցուցաբերել երկկողմ հարաբերությունների վիճակի նկատմամբ: Այդ ուղղությամբ Երևանը զգալի առաջընթաց է գրանցել», - նշել է Տարասովը։
Հուլիսին Փաշինյանը ուղերձ էր հղել ԱՄՆ ներկայիս նախագահ Ջո Բայդենին, որտեղ նշել էր, որ Հայաստանը պատրաստ է հարաբերությունների մակարդակը բարձրացնել ռազմավարական գործընկերության, իսկ ավելի վաղ Հայաստանի արտգործնախարար Արարատ Միրզոյանը ԱՄՆ-ին և Եվրոպային անվանել էր «հանրապետության գլխավոր գործընկերներ»։ «Փաշինյանը բազմիցս է հեռախոսազրույցներ ունեցել ԱՄՆ պետքարտուղար Էնթոնի Բլինկենի հետ` քննարկելով էներգետիկայի, առևտրի և ներդրումների, այդ թվում` ռազմատեխնիկական համագործակցության ոլորտներում երկկողմ հարաբերությունների ընդլայնումը։ Երկու երկրների միջև նաև պայմանավորվածություն կա անվտանգության ոլորտում համագործակցության խորացման վերաբերյալ։ Բացի դա Ռուսաստանի Արտաքին հետախուզական ծառայությունը հայտարարել է, որ ԱՄՆ Պետդեպարտամենտը ուժեղացրել է արևմտամետ կառույցների ազդեցությունը հայ քաղաքական վերնախավի վրա, որպեսի արագացնի Երևանի դեպի արևմտամետ ուղի վերակողմնորոշելու գործընթացը», -նկատել է քաղաքագետը։
Նյութը հրապարակման պատրաստեց Կամո Խաչիկյանը
