Նիկոլ Փաշինյանը կոչ է անում հասարակությանը հրաժարվել հայկական կոնյակից
ՔԱՂԱՔԱԿԱՆՈՒԹՅՈՒՆ
Մեղուներն ընդդեմ մեղրի, կամ այն մասին, թե ինչպես է Հայաստանի վարչապետ Նիկոլ Փաշինյանը պոպուլիստական մեթոդներով փորձում լուծել դարավոր պատմություն ունեցող Անդրկովկասյան պետության քաղաքական և տնտեսական խնդիրները: Բայց երևում է, որ հարևան Վրաստանի պատմությունն ու փորձը կարծես թե ոչինչ չեն սովորեցնում, միգուցե՞ հայ խաղողագործներն իրենց խոսքը կասեն, գրում է gorodche.ru-ն։
Հայաստանի և Ֆրանսիայի միջև ավանդական բարեկամական հարաբերությունները կարծես թե ճաքի վտանգի տակ են, ընդ որում շատ կարևոր։ Հայաստանի վարչապետ Նիկոլ Փաշինյանի խոսքով հայկական կոնյակն իր երկիրը տանում է դեպի տնտեսական փակուղի։ Հայաստանի Հանրապետության տարածքում արտադրված թունդ ալկոհոլային խաղողի ըմպելիքը չես կարող անվանել կոնյակ, դա ժպիտ է առաջացնում ամբողջ աշխարհում, առաջին հերթին Եվրոպայում, կարծիք է հայտնել Նիկոլ Փաշինյանը, ով հոգ է տանում Հայաստանի տնտեսության մասին և ամեն կերպ փորձում է արդարանալ այն քաղաքական փակուղու համար, որտեղ Հայաստանը մտել է իր վարչապետության օրոք։
Հիշեցնենք, որ այս տարի հայ արտադրողները պաշտպանել են «Հայկական կոնյակ» ապրանքանիշի իրենց ազգային իրավունքը։ Պարզապես այն պատճառով, որ այդ ազգային խմիչքի հեղինակությունը և սեփական երկրի տնտեսությունը մի փոքր ավելի մեծ նշանակություն ունեն այդ մարդկանց, քան պետության գործող ղեկավարի համար: Չնայած, հնարավոր են նաև այլ պատճառներ: Օրինակ ֆրանսիական կոնյակ արտադրողների ճնշումները։ Եվ Նիկոլ Փաշինյանը կարծում է, որ հայկական կոնյակն ավելի ճիշտ կլինի կոչել հայկական բրենդի։
Բայց այս ամենի մեջ որտեղի՞ց են աճում ականջները:
Փաստացի, «կոնյակ» տերմինի սեփականության հարցը բաց է եղել հարյուրավոր տարիներ։ Այստեղ հարցը միայն իրավական կամ տնտեսական բաղադրիչը չէ, կարևոր է նաև քաղաքական ասպեկտը։ Պարզ ասած «հայկական կոնյակ» ասելով պետք է նկատի ունենալ պրոռուսական դիրքորոշում, իսկ եթե ասում ես «հայկական բրենդի», ապա դու արդեն եվրոպամետ դիրքորոշում ես ընդունում։ Եվ այնտեղ, ինչպես հասկանում եք, «ոչ բոլոր յոգուրտներն են հավասարապես առողջարար»։
Նյութը հրապարակման պատրաստեց Կամո Խաչիկյանը
