Կրտսեր սերժանտի մահվան դեպքի առթիվ հարուցվել է քրգործ ինքնասպանության հասցնելու հոդվածով
ՀԱՍԱՐԱԿՈՒԹՅՈՒՆ
Քննչական կոմիտեի զինվորական քննչական գլխավոր վարչության 9-րդ կայազորային քննչական բաժնում քննություն է տարվում՝ պարզելու կրտսեր սերժանտ Արշակ Վահագնի Արշակյանի մահվան հանգամանքները:
Ավելի վաղ քննչական կոմիտեից հայտնել էին, որ պարտադիր ժամկետային զինծառայող, կրտսեր սերժանտ Արշակ Վահագնի Արշակյանի դին հայտնաբերվել է 2017թ. մայիսի 14-ին՝ ժամը 15:15-ի սահմաններում, ՊՆ N զորամասի պահպանության տեղամասի մարտական դիրքում՝ կզակի շրջանում հրազենային վնասվածքով:
ՀՀ քննչական կոմիտեի ԶՔԳՎ 9-րդ կայազորային քննչական բաժնում հարուցվել է քրեական գործ՝ ՀՀ քրեական օրենսգրքի 110-րդ հոդվածի 1-ին մասով (սպառնալիքի, դաժան վերաբերմունքի կամ անձնական արժանապատվությունը պարբերաբար նվաստացնելու ճանապարհով անձին անուղղակի դիտավորությամբ կամ անզգուշությամբ ինքնասպանության կամ ինքնասպանության փորձի հասցնելը պատժվում է ազատազրկմամբ՝ առավելագույնը երեք տարի ժամկետով):
Ձեռնարկվում են անհրաժեշտ քննչական գործողություններ՝ կրտսեր սերժանտի մահվան դեպքի բազմակողմանի, լրիվ և օբյեկտիվ հետազոտումն ապահովելու ուղղությամբ, քրեական գործով ստացված նախնական տվյալներն ստուգելու ուղղությամբ， նշանակվել են դատաբժշկական， դատակենսաբանական， դատահետքաբանական և դատաձգաբանական փորձաքննություններ։
