ՀՅԴ Հայաստանի երիտասարդական միությունը բողոքի ակցիա է իրականացրել Կրթության նախարարության շենքի մոտ․ պատմության այս օրը (06 նոյեմբեր)

ՈՐՈՇ ՏՈՆԵՐ - Պատերազմների և ռազմական հակամարտությունների ժամանակ արտաքին միջավայրի շահագործման կանխարգելման համաշխարհային օր, Մարդու կողմից սպանված կենդանիների հիշատակի համաշխարհային օր, Դոմինիկյան Հանրապետություն, Տաջիկստան և Թաթարստան՝ Սահմանադրության օր, Ուկրաինա՝ Կիևի ազատագրման օր, Ֆինլանդիա՝ Շվեդական մշակույթի օր:

ՀԱՅԱՍՏԱՆՈՒՄ

1807 – ծնվել է Անիի հայերից սերած լեհ բանաստեղծ Կարոլ Անտոնևիչը:

1866 – ծնվել է բանաստեղծ, դրամատուրգ Վահան Միրաքյանը:

1877–ռուս թուրքական 11-րդ պատերազմի (1877-1878) կովկասյան ճակատում ռուսական զորքերը գրավել են Կարսը:

1911 – ծնվել է օպերային և կամերային բարիտոն երգիչ Պավել Լիսիցյանը:

1920- հայ թուրքական պատերազմի ընթացքում թուրքերը մտել են Ալեքսանդրապոլ:

1921– Հայաստանի և Վրաստանի միջև կնքվում է պայմանագիր, համաձայն որի Ախալքալաքն ու նրա գավառը անցնում են Վրաստանին:

1944 – ծնվել է հեռուստահաղորդավար Ստեփան Քիրեմիջյանը:

1945 – ծնվել է գրող և դիվանագետ Սևդա Սևանը (Ֆրանսուհի Բահչեջյան):

1961- վախճանվել է մեծանուն դերասան Հրաչյա Ներսիսյանը:

1962 – վախճանվել է իրավաբան, հասարակական, քաղաքական գործիչ Գրիգոր Չուբարյանը:

2006-Երևանի «Ռոսիա» կինոթատրոնը, որը Հայաստանի անկախության առաջին տարիներին վերանվանվել էր «Այրարատ» և գործում էր որպես տոնավաճառ, կրկին վերանվանվել է հին անվամբ և սկսել է գործել որպես առևտրամշակութային կենտրոն:

2007- Շրի Lանկայի գերագույն դատարանն արգելել է Շրի Լանկայից փիղ ուղարկել Հայաստանի կենդանաբանական այգուն:

2012-Փոթի նավահանգստի աշխատակիցների գործադուլի արդյունքում  դադարեցվել են  բեռնափոխադրումները Հայաստան:

2018-«Արժեքների հեղափոխության» փորձից հինգ տարի անց Շանթ Հարությունյանը համաներմամբ ազատ է արձակվել «Վարդաշեն» քրեակատարողական հիմնարկից։ 

2019-ՀՅԴ Հայաստանի երիտասարդական միությունը բողոքի ակցիա է իրականացրել Կրթության նախարարության շենքի մոտ: Մասնակիցները պահանջել են նախարարի հրաժարականը, ինչի պատճառը նախարարության մի շարք որոշումներն են, մասնավորապես այն, որ բուհական ծրագրերում «Հայոց լեզու» և «Հայոց պատմություն» առարկաները դարձել են ոչ պարտադիր:

2023- ՀՀ երկրորդ նախագահ Ռոբերտ Քոչարյանի որդին` Լևոն Քոչարյանը, ազատ է արձակվել, քանի որ ԿԸՀ որոշմամբ դարձել է պատգամավոր։  

ԱՇԽԱՐՀՈՒՄ

1494 – ծնվել է օսմանյան 10-րդ սուլթան Սուլեյման 1-ինը:

1772 – ռուս-թուրքական պատերազմի ընթացքում Հոնիական ծովի Պատրիակոս նեղուցում տեղի է ունեցել ծովամարտ Օսմանյան Թուրքիայի և Ռուսական կայսրության միջև:

1814 —ծնվել է բելգիացի երաժշտական գործիքների ստեղծող Ադոլֆ Սաքսը, որը հորինել է սաքսաֆոնը:

1825 – ծնվել է իտալացի քրեաբան և ֆիզիկոս Չեզարե Լոմբրոզոն:

1860 - Միացյալ նահանգների 16-րդ նախագահ է ընտրվել հանրապետական Աբրահամ Լինքոլնը:

1851 —ծնվել է ամերիկացի լրագրող Չարլզ Հենրի Դոուն, որը հանդիսանում է Dow Jones & Co ընկերության համահիմնադիր և Արդյունաբերական պալատի Դոու-Ջոնս ինդեքսի հեղինակ:

1858 —ծնվել է ֆրանսիացի նկարիչ-կարուկատուրիստ Կարան դը Աշը (իսկական անունը էմմանուել Պուարե):

1861– ծնվել է կանադացի սպորտի մարզիչ, բասկետբոլի ստեղծող Ջեյմս Նեյսմիթը:

1869– տեղի է ունեցել «ամերիկյան ֆուտբոլ» խաղի առաջին հանդիպումը:

1887 —հիմնադրվել է շոթլանդական «Սելտիկ» ֆուտբոլային ակումբը:

1893– վախճանվել է ռուս մեծ կոմպոզիտոր, դիրիժոր, մանկավարժ, երաժշտական քննադատ Պյոտր Չայկովսկին:

1913 - Հարավային Աֆրիկայում հանքափորների երթը գլխավորելու ժամանակ ձերբակալվել է Մահաթմա Գանդին:

1943- Երկրորդ համաշխարհային պատերազմի ժամանակ  խորհրդային զորքերը գեներալ Նիկոլայ Վատուտինի գլխավորությամբ վերագրավել են Կիևը:

1967 —շահագործման է հանձնվել ըստ ԽՍՀՄ Գլխավոր շտաբի կլասիֆիկացիայի Ռազմածովային ուժերի ստրատեգիական նշանակության ստորջրյա հրթիռային առաջին սուզանավը:

1973 –ծնվել է  վրացի քաղաքական և ռազմական գործիչ Իրակլի Օքրուաշվիլին:

1987– ծնվել է սերբ թենիսիստուհի Անա Իվանովիչը:

1995 —լույս է տեսել «Queen»  խմբի վերջին ալբոմը Ֆրեդդի Մերկուրիի մասնակցությամբ:

2004 —Ֆրանսիան և Կոտ դը Իվուարը փոխադարձ ավիահարվածներ են իրականացրել:

2005-Ադրբեջանի Կենտրոնական ընտրական հանձնաժողովի (ԿԸՀ) հրապարակած նախնական արդյունքների համաձայն  Ադրբեջանում կայացած խորհրդարանական ընտրություններում հաղթել է իշխող «Ենի Ազերբայջան» (Նոր Ադրբեջան) կուսակցությունը:

2012 - Բարաք Օբաման երկրորդ անգամ ընտրվում է Միացյալ Նահանգների նախագահ:

2020 —վախճանվել է ռուս խորհրդային գրող–երկիծաբան, հեռուստահաղորդավար և դերասան Միխաիլ Ժվանեցկին:

Կ. Խաչիկյան