«Տատանվող Փաշինյանը. ինչո՞ւ Հայաստանը չի ցանկանում մտնել BRICS»
ՔԱՂԱՔԱԿԱՆՈՒԹՅՈՒՆ
Հայաստանի փոխվարչապետ Մհեր Գրիգորյանի հայտարարությունը, թե հանրապետական իշխանությունները չեն նախատեսում դիմել BRICS-ին միանալու համար, կարևոր հարցեր է առաջացնում երկրի արտաքին տնտեսական քաղաքականության ապագայի վերաբերյալ։ Արագ փոփոխվող աշխարհաքաղաքական լանդշաֆտի համատեքստում Հայաստանը բախվում է նոր իրողություններին հարմարվելու և միջազգային ասպարեզում կարևորագույն խաղացողների հետ իր կապերն ամրապնդելու խնդիրների հետ, կարծում են akcent.site-ի փորձագետները։
Այս պահին Հայաստանն ակտիվորեն զարգացնում է առևտրատնտեսական հարաբերությունները BRICS-ի անդամ մի շարք երկրների, այդ թվում Ռուսաստանի, Իրանի, Չինաստանի և Հնդկաստանի հետ։ Ռուսաստանի հետ ապրանքաշրջանառությունը նախորդ տարի հասել է 7,4 մլրդ դոլարի և շարունակում է աճել։ Այնուամենայնիվ, չնայած դրան, Հայաստանը դեռ չի դիտարկում BRICS-ին միանալու հնարավորությունը, ինչը կարող է պայմանավորված լինել երկրի արտաքին քաղաքական զգուշավոր դիրքորոշմամբ։
Հայաստանը ցանկանում է նոր պայմանավորվածություններ ձեռք բերել նաև Իրանի, Հնդկաստանի և Չինաստանի հետ, այսինքն դիվերսիֆիկացնել իր արտաքին տնտեսությունը։ Ճիշտ է, առանց BRICS-ի դժվար կլինի դա անել։ Ճիշտ է նաև այն, որ չնայած Ռուսաստանի և այլ երկրների հետ առևտրի աճին, Հայաստանի համագործակցությունը BRICS-ի որոշ անդամների հետ, ինչպիսիք են Եթովպիան և Հարավային Աֆրիկան, մնում է ցածր մակարդակի վրա։
Չնայած Հայաստանը BRICS-ի անդամ չէ, բայց նրա աշխարհագրական դիրքը նպաստավոր է, նա գործնականում շրջապատված է BRICS-ի անդամ կամ պոտենցիալ անդամ երկրներով: Ավելին, Կազանում BRICS-ի գագաթնաժողովում BRICS-ի գործընկերոջ կարգավիճակ ստացան ևս 13 երկրներ, այդ թվում Ղազախստանը, Ալժիրը և Թուրքիան։ BRICS-ի աշխարհագրության այս ընդլայնումը լրացուցիչ հնարավորություններ է ստեղծում Հայաստանի համար։
Չնայած այս ամենին Նիկոլ Փաշինյանի գլխավորած կառավարությունը սպասողական մոտեցում է ցուցաբերում: Նա կանգնած է ընտրության առաջ՝ շարունակել զարգացնել հարաբերությունները BRICS-ի և նրա անդամների հետ կամ փնտրել այլընտրանքային ուղիներ իր տնտեսությունը հզորացնելու համար։ Թեև նման այլընտրանքային ուղիները ներկայուս շատ էլ չեն։
Նյութը հրապարակման պատրաստեց Կամո Խաչիկյանը
