«Հայաստան. Ընտրական օրենսգրքի աղմկահարույց փոփոխություններ»
ՔԱՂԱՔԱԿԱՆՈՒԹՅՈՒՆ
Հայաստանի իշխող «Քաղաքացիական պայմանագիր» կուսակցությունը խորհրդարան է ներկայացրել հանրապետության Ընտրական օրենսգրքի աղմկահարույց փոփոխությունները, գրում է rybar.ru-ն։ Համաձայն այդ փոփոխությունների եթե մինչև ձայների հաշվարկի ավարտը և ընտրությունների արդյունքների արձանագրումը հայտարարվի արտակարգ կամ ռազմական դրություն, ապա ընտրական գործընթացը պետք է կասեցվի, և այն վերսկսելու համար կպահանջվի նոր քվեարկություն։
Տեղական լրատվամիջոցներն այդ փոփոխություններն արդեն կապում են վարչապետ Նիկոլ Փաշինյանի կուսակցության կողմից իշխանության ուզուրպացիայի հնարավորության հետ։ Ի վերջո, արտակարգ դրություն կարող է հայտարարվել անգամ իշխանությունների համար ընտրությունների անբավարար արդյունքների դեպքում։
Հայկական լրատվամիջոցները նաև սկսել են խոսել 2025 թվականին արտահերթ խորհրդարանական ընտրությունների հնարավոր նախապատրաստման մասին, որը կպահանջվի Ադրբեջանի հետ խաղաղության պայմանագրի ստորագրումից հետո։ Հավանական է, որ խաղաղության համաձայնագիրը ստորագրվի մինչև տարեվերջ։
Սակայն խաղաղության պայմանագիրը Հայաստանի համար որպես պարտվող կողմ նշանակում է անխուսափելի զիջումներ և տարածաշրջանում տեղի ունեցող այն գործընթացների ամրագրումը, որն է հայերի ենթակայությունն ադրբեջանա-թուրքական տանդեմին։ Եվ շատ հավանական է, որ նման ֆոնին Հայաստանում կարող են բողոքի ցույցեր բռնկվել, ուստի էլ «Քաղաքացիական պայմանագիրը» որոշել է ապահովագրել իրեն:
Նյութը հրապարակման պատրաստեց Կամո Խաչիկյանը
