Հայոց ցեղասպանության վերաբերյալ ԱԳՆ ղեկավարի դիրքորոշումը Հայաստանում քննադատության է ենթարկվել
ՔԱՂԱՔԱԿԱՆՈՒԹՅՈՒՆ
Հայ քաղաքագետ Սերգեյ Մելքոնյանը քննադատել է Հայաստանի արտգործնախարար Արարատ Միրզոյանի Օսմանյան կայսրությունում Հայոց ցեղասպանության միջազգային ճանաչման Երևանի համար առաջնահերթ չլինելու մասին հայտարարությունը, գրում է ria.ru-ն։ Հիշեցնենք, որ ավելի վաղ Միրզոյանը Թուրքիայի հետ հարաբերությունների բարելավման ֆոնին ասել էր, որ Օսմանյան կայսրությունում Հայոց ցեղասպանության միջազգային ճանաչումը Հայաստանի իշխանությունների գլխավոր առաջնահերթությունը չէ։
«ՀՀ արտաքին գործերի նախարարության ղեկավարի պաշտոնը զբաղեցնող Արարատ Միրզոյանն ասել է, որ Հայոց ցեղասպանության ճանաչման հարցը Հայաստանի արտաքին քաղաքականության առաջնահերթություն չէ, հիշեցնեմ, որ տասնամյակներ շարունակ Հայաստանի արտաքին քաղաքականության առաջնահերթ խնդիրներն են եղել Հայոց ցեղասպանության ճանաչման համար պայքարը և Արցախի Հանրապետությունը: Առաջինը հայկական ինքնության, երկրորդը պետականության հիմնարար տարրերն են»,- գրել է Մելքոնյանը Telegram-ի իր ալիքում։
Ըստ նրա պետական և ազգային ինքնության ապամոնտաժման համար Երևանը կատարել է Բաքվի և Անկարայի երկու հիմնական պահանջները՝ հրաժարվել Ղարաբաղից և չպայքարել Հայոց ցեղասպանության ճանաչման համար։
«Նման կերպ ձևավորվում է նոր պատմական հիշողություն, այն իր բնույթով հակապետական է և ապազգային հակահայկականության ստեղծման գործում»,- ընդգծել է փորձագետը։ Նրա կարծիքով, հետո կկատարվեն Բաքվի և Անկարայի նոր պահանջները, օրինակ փոխել Հայաստանի սահմանադրությունը, «որը նպատակ կունենա ստեղծել ինչ-որ նոր երկիր, բայց ոչ Հայաստան»։ Փորձագետը կարծում է, որ ստեղծված իրավիճակը սպառնում է թուլացնել նաև եկեղեցու և սփյուռքի դերը, հնարավոր են նաև պատմության դասագրքերի փոփոխություններ։
19-րդ դարի վերջին և 20-րդ դարի սկզբին Օսմանյան կայսրությունը պարբերաբար հալածանքներ է իրականացրել հայերի նկատմամբ։ Մասնավորապես, 1915 թվականին, ըստ մի շարք պատմաբանների, սպանվել է ավելի քան 1,5 միլիոն հայ։ Օսմանյան կայսրությունում հայ ժողովրդի ցեղասպանության փաստը ճանաչել են 23 պետություններ, ինչպես նաև Եվրոպական խորհրդարանը և Եկեղեցիների համաշխարհային խորհուրդը։ 1995 թվականին Պետդուման է ընդունել «1915-1922 թվականներին հայ ժողովրդի իր պատմական հայրենիքում՝ Արևմտյան Հայաստանում ցեղասպանությունը դատապարտելու մասին» որոշումը։
Նյութը հրապարակման պատրաստեց Կամո Խաչիկյանը
