Նշվել է Ադրբեջանի և Հայաստանի միջև համաձայնագրի ստորագրման հնարավոր վայրը
ՔԱՂԱՔԱԿԱՆՈՒԹՅՈՒՆ
Ադրբեջանի և Հայաստանի միջև խաղաղ համաձայնագրի կնքման վայրը կարող է լինել Մոսկվան կամ Թբիլիսին։ Այս մասին Lenta.ru-ի հետ զրույցում ասել է Սանկտ Պետերբուրգի պետական համալսարանի հետխորհրդային տարածքում միջազգային հարաբերությունների ամբիոնի պրոֆեսոր, պատմական գիտությունների դոկտոր, Հարավային Կովկասի երկրների արտաքին քաղաքականության փորձագետ Նիյազի Նիյազովը։ Փորձագետի կարծիքով, Վաշինգտոնը, Բրյուսելը կամ Փարիզը կարող են անհավանական վայրեր լինել Բաքվի և Երևանի միջև խաղաղության համաձայնագրի ստորագրման համար։ Պատճառն Ադրբեջանի և արևմտյան երկրների հարաբերությունների սրումն է։ Բացի այդ, Ամերիկայի Միացյալ Նահանգների (ԱՄՆ) և Եվրոպական միության (ԵՄ) կողմից Երևանին ցուցաբերվող օգնությունը ևս մեկ պատճառ է այդ երկրները որպես ստորագրման վայր ընտրելու անհնարինության համար։
Նիյազովը կարծում է, որ համաձայնագրի կնքման հնարավոր վայրերը Ռուսաստանի և Վրաստանի մայրաքաղաքներն են։ «Իմ թեկնածուներն են Մոսկվան և Թբիլիսին։ Վրաստանի մայրաքաղաքն ավելի նախընտրելի տարբերակ է Հայաստանի և Ադրբեջանի համար, - ասել է Նիյազովը, -միաժամանակ, առանց միջնորդների օգնության երկու երկրների միջև կմշակվի խաղաղության պայմանագրի վերջնական ձևը»։
Հիշեցնենք, որ ավելի վաղ Հայաստանի վարչապետ Նիկոլ Փաշինյանը հայտարարել էր, որ Երևանը պատրաստ է հենց հիմա խաղաղության պայմանագիր կնքել Ադրբեջանի հետ։ Ադրբեջանի նախագահ Իլհամ Ալիևն էլ հայտարարել է, որ փաստաթուղթը կարող է կնքվել միայն բոլոր կետերի շուրջ ամբողջական համաձայնեցումից հետո։
Նյութը հրապարակման պատրաստեց Կամո Խաչիկյանը
