Կալանքն օգտագործվում է որպես ճնշման միջոց անհրաժեշտ ցուցմունք ստանալու համար. Հովիկ Աղազարյանն՝ Աննա Վարդապետյանին
ԻՐԱՎՈՒՆՔ
Հիմա մի միտք կասեմ, տիկին Վարդապետյան, որը նախկինում ես օգտագործել եմ որպես հարցադրում, հիմա որպես հաստատում եմ ասում՝ կալանքն օգտագործվում է որպես ճնշման միջոց անհրաժեշտ ցուցմունք ստանալու համար:
Այս մասին ԱԺ լսումների ժամանակ դիմելով գլխավոր դատախազ Աննա Վարդապետյանին ասաց ՔՊ-ական պատգամավոր Հովիկ Աղազարյանը:
«Ես տնտեսական հարցերով մշտական հանձնաժողովի անդամ եմ, ու ինձ հետաքրքրում է այս շրջանակների վարույթներ, տնտեսական գործերով վարույթները հարցաքննությունից հետո ՔԿ-ում քանի՞տոկոսն է գնացել դատական փուլ և դատական փուլում հայտնված գործերից քանի՞ տոկոսն է ավարտվել մեղադրական եզրակացությամբ»,- հարցրեց Աղազարյանը:
Վարդապետյանն էլ ասաց, որ թվերն անգիր չի հիշում և որ պետք է դիմել գրավոր հարցմամբ, բայց պատգամավորի այն պնդմանը, թե կալանքը օգտագործվում է որպես ճնշման միջոց անհրաժեշտ ցուցմունք ստանալու համար, Վարդապետյանը հակառակը պնդեց՝ ոչ, չկա նման բան:
«Ինչքան էլ նպատակահարմար է այդ պնդումը, խափանման միջոցը կրիրառվում է բացառապես նրա համար, որ ազդեցություն չլինի այլ անձանց վրա: Բազմաթիվ օրինակներ կան, երբ մենք օպերատիվ ուղեկցումով տեսնում ենք, թե ոնց են սովորացրած, նույն տեքստով ուղարկում վկաներին և պայմանավորվում, թե ոնց պետք է նախաքննությունը ուղղորդեն: Նման իրավիճակներում թույլ տանք, որ գան ամբողջ ապացուցողական բազան շարքից հանեն, որ հանկարծ մի օր մեկը մեզ չասի՞, որ դուք ռեպրեսիա եք անում, ոչ: Հիմա շատ բան կարելի է պնդել բայց պնդման տակ պետք է ունենալ փաստ»,- ասաց գլխավոր դատախազը:
Աղազարյանն էլ հակադարձեց, թե ինքը պատգամավոր է ու եթե ինչ-որ բան ասում է, ինչ-որ բան գիտի և կալանքը որպես խափանամն միջոց ընտրելուց էլ դրան ալտերնատիվ կա՝ տնային կալանքը, որ չկարողանան մանիպուլացնեն և որ արդարադատությունն իրականացվի:
Վարդապետյանն էլ հակադարձեց, թե կալանքները միշտ տեղին են ընտրում, և որ դատախազությունը հիմնվում է ապացույցների վրա:
Հիշեցնենք, որ Հովիկ Աղազարյանը կոռուպցիոն սկանդալի կիզակետում է հայտնվել և ըստ մամուլի, հակակոռուպցիոն կոմիտեն սպասում է դատախազության որոշմանը, որ պատգամավորին զրկեն անձենռմխելիությունից՝ կալանավորելու համար:
