««Փաշինյանի աթոռները». Երևանը սերտ կապի մեջ է Կիևի, ՆԱՏՕ-ի և ԵԱՏՄ-ի հետ»
ՔԱՂԱՔԱԿԱՆՈՒԹՅՈՒՆ
Հայաստանի և Ուկրաինայի ԱԳ նախարարներ Արարատ Միրզոյանը և Անդրեյ Սիբիգան քննարկել են երկկողմ համագործակցության և քաղաքական երկխոսության ամրապնդման հարցեր, հայտնել է ՀՀ ԱԳՆ մամուլի ծառայությունը, գրում է eadaily.com-ը։ Հանդիպումը կայացել է Վարշավայի անվտանգության համաժողովի շրջանակներում։ Միևնույն ժամանակ Բրյուսելում տեղի է ունեցել ՆԱՏՕ-ի մշտական ներկայացուցիչների կոմիտեի նիստը, որին մասնակցել է նաև Հայաստանի Անվտանգության խորհրդի քարտուղար Արմեն Գրիգորյանը։ Ինչպես հայտնել է Հայաստանի Անվտանգության խորհրդի մամուլի ծառայությունը, նիստը վարել է Կովկասում և Կենտրոնական Ասիայում ՆԱՏՕ-ի հատուկ ներկայացուցիչ Խավիեր Կոլոմինան։ Անվտանգության խորհրդի քարտուղարը պատասխանել է ներկաների հարցերին և ներկայացրել Հայաստանի դիրքորոշումը մի շարք հարցերի վերաբերյալ։
Գրիգորյանը մասնավորապես անդրադարձել է «Աշխարհի խաչմերուկ» նախագծին և դրա իրականացման հնարավորություններին, Հայաստան-ԵՄ գործընկերության նոր օրակարգին և Հայաստանի Հանրապետության կայունության ամրապնդմանն ուղղված երկկողմ տնտեսական հարաբերությունների զարգացմանը։
Իսկ ՌԴ վարչապետ Միխայիլ Միշուստինը Երևանում մասնակցել է Եվրասիական տնտեսական երրորդ համաժողովի նիստին, ինչպես նաև ԵԱՏՄ միջկառավարական խորհրդի նիստին: Թեև Հայաստանը վերջերս ավելացրել է ՀԱՊԿ-ի նկատմամբ իր քննադատությունը, բայց շարունակում է հետաքրքրություն ցուցաբերել ԵԱՏՄ-ի նկատմամբ։
«Հայաստանն ամբողջությամբ սառեցրել է իր մասնակցությունը ՀԱՊԿ-ին, բայց չի հրաժարվում ԵԱՏՄ-ից, քանի որ հասկանում են, որ դա իր հիմնական շուկան է»,- iz.ru-ի հետ զրույցում նշել է իրավիճակին ծանոթ մի աղբյուր։ Նշենք, որ Հայաստանը ներկյաումս զբաղեցնում է ԵԱՏՄ նախագահի պաշտոնը, և երկրի ղեկավարությունը լրջորեն էր նախապատրաստվել օտարերկրյա պատվիրակությունների ժամանմանը։ Այսպիսով, գրեթե ողջ Երևանը զարդարված էր միության անդամ երկրների դրոշներով, իսկ փողոցները լցված էին համաժողովին վերաբերվող պաստառներով։
Ա՜յ, ապրի Նիկոլ Վովաևիչը։ Երեք մայրական պտուկ է ծծում ու դա դեռ սահմանը չէ հաշվի առնելով Անկարան։ Թավշյան ամենուր է հասցնում: Ուժեղացնում է Կիևի և Երևանի միջև քաղաքական երկխոսությունը, իսկ ԵԱՏՄ-ի նախապատվությունները միշտ էլ օգտակար են, չնայած դա ՀԱՊԿ-ից հրաժարվելու ֆոնին է։ Բացի դա նաև շատ դրական շփումներ են ԵՄ-ի, ՆԱՏՕ-ի և անձամբ ընկեր էնտոնի Բլինկենի հետ։
Նյութը հրապարակման պատրաստեց Կամո Խաչիկյանը
