Փարիզը Երևանին հեռացնում է Մոսկվայից
ՔԱՂԱՔԱԿԱՆՈՒԹՅՈՒՆ
Ֆրանսիայի արտաքին գործերի նախարար Ստեֆան Սեժուրնեն այցելել է Երևան։ Իր հայ գործընկեր Արարատ Միրզոյանի հետ համատեղ ճեպազրույցում նա հայտարարել է, որ «Հայաստանը պետք է կարողանա պաշտպանել իր տարածքային ամբողջականությունն ու ինքնիշխանությունը, իր բնակչությանը»։ Ստացվում է, որ Ֆրանսիան Հայաստանին ինչ-որ բանի է նախապատրաստում: Երևանը և Փարիզը մի քանի պայմանագրեր են կնքել ռազմատեխնիկական մատակարարումների վերաբերյալ։ Ֆրանսիան Հայաստանին կմատակարարի «Կեսար» ինքնագնաց հաուբիցներ, ռադարներ, զրահատեխնիկա և զենիթահրթիռային համակարգեր։ Ավելի վաղ Հայաստանի վարչապետը Հայաստան այցելելու հրավեր էր ուղարկել Ֆրանսիայի նոր վարչապետ Միշել Բարնիեին։ Նման կերպ մատնանշվում են հայ-ֆրանսիական ռազմաքաղաքական դաշինքի նշանները։ Iarex.ru-ի սյունակագիր Ստանիսլավ Տարասովն է մեկնաբանել իրավիճակը:
«Փաստն այն է, որ Ֆրանսիան ԱՄՆ-ի և Ռուսաստանի հետ միասին հանդիսանում է ղարաբաղյան կարգավորման ԵԱՀԿ Մինսկի խմբի երկրներից մեկը։ Փաստացի, այդ խումբը չի աշխատում, թեև ֆորմալ առումով դեռևս պահպանում է իր գործողությունների միջազգային մանդատը։ Այդ խմբի հիմնական սկզբունքը հակամարտող կողմերից հավասար հեռավորություն պահելն է։ Բայց ղարաբաղյան երկրորդ պատերազմի ժամանակ միայն Ռուսաստանը ջանքեր գործադրեց դիմակայությունը դադարեցնելու համար և հասավ 2020 թվականի նոյեմբերի 9-ի եռակողմ խաղաղության պայմանագրի ստորագրմանը։ Մինսկի խմբի անդամ մնացած երկրներն այն ժամանակ քաղաքական պասիվություն դրսևորեցին։ Բայց հետո Փարիզը «Հայաստանի վրա Ադրբեջանի հարձակումը համեմատեց Ուկրաինայում Ռուսաստանի գործողությունների հետ» և սկսեց այդ հարցը բարձրացնել դիվանագիտական բարձր մակարդակ։ Ավելին, Հայաստանի և Ադրբեջանի միջև խաղաղության պայմանագիր կնքելու նրա միջնորդական ջանքերը ձախողվեցին այն պատճառով, որ Փարիզը կորցրեց իր հավասարաչափ հեռավորություն պահելը և անցավ Հայաստանի կողմը։ Ավելին, Ֆրանսիայի նոր արտգործնախարար Սեժուրնեն, չգիտես ինչու, բոլոր «մեղքերի» մեջ մեղադրում է միայն Մոսկվային շրջանցելով ԱՄՆ-ին, որը, որպես ԵԱՀԿ խորհրդի անդամ, ևս պատասխանատու է իրադարձությունների զարգացման համար», - նկատել է քաղաքագետը։
Նա նաև նշել է, որ Փարիզը շարունակում է Բաքվի հետ խոսել ուժային սցենարի իրականացման լեզվով։ Միևնույն ժամանակ, Բաքուն, ինչպես և Մոսկվան, ֆրանսիական «աստիճանային աղյուսակում» դասվում են ավտորիտար պետությունների երկրորդ կատեգորիայի մեջ, մինչդեռ Հայաստանը համարվում է «թույլզարգացած, բայց ժողովրդավարական երկիր»։ Բայց իրականում ֆրանսիական քաղաքականության նպատակն է նեղացնել Ռուսաստանի ազդեցությունն Անդրկովկասում, և դա անում է, այսպես կոչված, «եվրոպական քաղաքականության» շրջանակներում։
Նյութը հրապարակման պատրաստեց Կամո Խաչիկյանը
