Քաղաքագետ Տարասովը մեղադրել է Հայաստանի իշխանություններին հեղաշրջման մասին տեսություններ հորինելու մեջ
ՔԱՂԱՔԱԿԱՆՈՒԹՅՈՒՆ
Հայաստանի Ազգային անվտանգության ծառայության (ԱԱԾ) հաղորդագրությունը հանրապետությունում ռազմական հեղաշրջման իբր ձախողված փորձի մասին կասկածի տեղիք է տալիս, info24.ru-ի հետ զրույցում ասել է Մերձավոր Արևելք-Կովկաս հետազոտական կենտրոնի տնօրեն Ստանիսլավ Տարասովը։
Ըստ նրա դա այն «ներքաղաքական իրավիճակն է», որը դրսևորվում է, ի թիվս այլ բաների նախկին քաղաքական գործիչների դեմ հին քրեական գործերի վերաբացմամբ։
«Իշխանությունները զգում են ինչ-որ անկայունություն և սկսել են դավադրություններ մտածել։ Այդպիսի զգացում կա»,- ասել է Տարասովը:
Նա ենթադրել է, որ Հայաստանի իշխանությունները նման հայտարարություններով «փորձում են խեղդել քաղաքացիների այն բողոքի զգացումը», որն անխուսափելիորեն կառաջանա Ադրբեջանի հետ համաձայնագիր ստորագրելիս, որը կշոշափի Ղարաբաղից վերաբնակված հայերի շահերը։ «Ճիշտն ասած, իմանալով այս իրավիճակը ես չեմ հավատում, որ ինչ-որ դավադրություն, հեղաշրջում և այլն կա։ Հեղափոխություն անելու համար անհրաժեշտ է ժամանակ, ջանք, հնարավորություն, ռեսուրսներ և այլն։ Իսկ ամենահեշտը մեղադրանքներ առաջադրելն է, դա բոլորը գիտեն: Նման բաներ իշխանությունը հաճախ անում է սեփական պատեհապաշտ նկատառումներից ելնելով»,- եզրափակել է Տարասովը:
Հիշեցնենք, որ ավելի վաղ Հայաստանի Ազգային անվտանգության ծառայությունը հայտարարել էր հանրապետությունում ռազմական հեղաշրջման փորձի կանխման մասին, որը, իբր, նախապատրաստում էին երկրի մի քանի քաղաքացիներ և ղարաբաղցիներ։ Մի քանի կասկածյալներ են բերման ենթարկվել, հետախուզական ծառայությունը չեն հրապարակել նրանց անունները։
Նյութը հրապարակման պատրաստեց Կամո Խաչիկյանը
