Զբոսաշրջային փորձագետը Հայաստանն անվանել է հրաշալի ուղղություն սկսնյակ զբոսաշրջիկների համար
ՀԱՍԱՐԱԿՈՒԹՅՈՒՆ
Շատ ռուսներ սիրում են իրենց հանգիստն անցկացնել ներքին հանգստավայրերում, իսկ ոմանք ձգտում են գնալ Ռուսաստանի սահմաններից դուրս: Փորձագետները նշում են, որ սկզբի համար զբոսաշրջիկները պետք է ուշադրություն դարձնեն մոտակայքում գտնվող երկրների վրա, գրում է Runews24.ru-ն:
Ճամփորդությունների կազմակերպիչ «ta_ca_ta» Թաթա Աշուգաթոյանը ասել է, որ Հայաստանը վերջին մի քանի տարիների ընթացքում եղել է Ռուսաստանի քաղաքացիների ամենասիրված ուղղություններից մեկը։ Հայաստանի հիմնական առավելություններն են ռուսական անձնագրով ճանապարհորդելու հնարավորությունը, քանի որ վիզա չի պահանջվում, տուրիստական սեզոնը ամբողջ տարին է, կան ուղիղ չվերթներ Մոսկվայից և Ռուսաստանի այլ քաղաքներից, ինչպես նաև տեղափոխությունը համեմատաբար էժան է։
Աշուգաթոյանը South Federal-ի հետ զրույցում նշել է, որ եթե ավիատոմս գնես ուղևորությունից 2-3 ամիս առաջ, ապա կարող ես շատ խնայել։ Օրինակ Մոսկվայից Երևան և հակառակ թռիչքը կարող է արժենալ ընդամենը 15-20 հազար ռուբլի։ Բացի այդ, դեպի Գյումրի թռիչքների համար միշտ կարելի է գտնել միակողմանի 2-3 հազար ռուբլիանոց տոմսեր, ընդգծել է փորձագետը։ Հայաստան ճանապարհորդելու մյուս առավելություններն են տեղական բարեհամբույր և հյուրընկալ բնակչությունը, համեղ ազգային խոհանոցը, մաքուր ջուրը, ինչպես նաև 3-ից մինչև 14 օր տևողությամբ տուրերի մեծ ընտրանին:
Այնուամենայնիվ, կան նաև թերություններ: Հայաստանը զբոսաշրջային սեզոնին՝ մայիսից սեպտեմբեր, ունի թերզարգացած հասարակական տրանսպորտ, մեծ թվով մեքենաներ փողոցներում և կացարանների բարձր գներ։
Նյութը հրապարակման պատրաստեց Կամո Խաչիկյանը
