Փորձագետը պատմել է, թե այս տարի քանի մարտական ինքնաթիռ կարտադրի Ռուսաստանի Դաշնությունը
ՄԻՋԱԶԳԱՅԻՆ
Ռուսական ռազմարդյունաբերական համալիրը շարունակում է ինքնաթիռներ արտադրել, որոնք կարող են կառավարվող ռումբեր կրել, գրում է unian.net-ը։ Այնուամենայնիվ Ռուսաստանը չի կարող արտադրել հարյուրավոր մարտական ինքնաթիռներ, բայց կարող է տարեկան մի քանի տասնյակ ստանալ։ Այս մասին United News հեռուստամարաթոնի եթերում ասել է ավիացիոն փորձագետ Բոգդան Դոլինցեն։
«Այս տարի ակնկալվում է, որ նրանք (ռուսները) ընդհանուր առմամբ կարտադրեն ոչ ավելի, քան 20 ինքնաթիռ, որոնցից մոտ 15-16-ը կարող են լինել Սու-34/Սու-35»,- կարծիք է հայտնել մասնագետը։
Այդ ինքնաթիռները կառավարվող ռումբերի կրողներ են, մասնավորապես՝ UMPC զինամթերք: Փորձագետի խոսքով այս փուլում հիմնական խնդիրներից է ուկրաինական հակաօդային պաշտպանություն այնպիսի գործողությունները, որ այդ ինքնաթիռները ոչնչացվեն հենց Ռուսաստանի Դաշնության տարածքի վրա։
Ռուսաստանի Դաշնության ռազմարդյունաբերական համալիրը շարունակում է ստեղծել մարտական ինքնաթիռների նոր և արդիականացված մոդելներ։ Այսպես, ռուսները վերջերս ներկայացրել են Յակ-130 ուսումնական ինքնաթիռի հիման վրա մշակված թեթև մարտական ինքնաթիռ։ Արդիականացման հիմնական նպատակն է ընդլայնել օդանավի մարտական հնարավորություններն արտաքին շուկայում դրա մրցունակությունը բարձրացնելու համար։ Ռուսները շարունակում են նաև նոր Su-75 Checkmate անտեսանելի կործանիչի մշակումը, և որից արտահանման մեծ ակնկալիքներ ունեն։ Սակայն, ըստ մասնագետների, այդ ինքնաթիռը ոչ ոքի պետք չի լինի։ Ոչ հիմա, ոչ էլ ապագայում:
Նյութը հրապարակման պատրաստեց Կամո Խաչիկյանը
