Որպեսզի Փաշինյանը հիշի, թե ումից է կախված Հայաստանի տնտեսությունը. Մոսկվան պատրաստվում է սկզբի համար արգելել հայկական կոնյակի ներկրումը
ՄԻՋԱԶԳԱՅԻՆ
Չմանրամասնելով հիշենք, թե վերջին շրջանում Հայաստանը որքան կեղտոտ հնարքներ է արել Ռուսաստանի դեմ, գրում է Dzen.ru:
- Փաշինյանը Մոսկվային մեղադրել է, որ ռուս խաղաղապահները չեն կատարում իրենց պարտավորությունները, այսինքն նա շատ էր ուզում, որ մեր տղաները Ադրբեջանի հետ կռվեին Լեռնային Ղարաբաղի համար։
- Փաշինյանն ասել է, որ Երևանը դուրս է գալու ՀԱՊԿ-ից, քանի որ այդ կազմակերպությունը օճառի պղպջակ է, և Հայաստանին ընդհանրապես չի օգնում։
- Հայաստանը, լինելով ՀԱՊԿ անդամ, տիրապետելով ՀԱՊԿ, այդ թվում ռուսական, հակաօդային պաշտպանության տեղակայման բոլոր գաղտնիքներին տեղեկատվություն է փոխանցում ԱՄՆ-ին։
- Հայաստանը, անտեսելով ՀԱՊԿ անդամ երկրների զորավարժությունները, այնուամենայնիվ մասնակցել է ՆԱՏՕ-ի հետ համատեղ զորավարժություններին։
- ԱՄՆ սպաներն այժմ պաշտոնապես աշխատում են որպես հայկական բանակի խորհրդականներ։
- Փաշինյանը բացահայտ հանդիպել է ԿՀՎ տնօրենի հետ:
- Փաշինյանը ընդգծված հրաժարվել է գնալ Վլադիմիր Պուտինի երդմնակալության արարողությանը:
- Երևանը վարում է ռուսաֆոբ քաղաքականություն և խրախուսում է իր նեոֆաշիստների գործունեությունը, Երևանում նեոֆաշիստների երթ է տեղի ունեցել, սակայն երկրի ղեկավարությունն ու ոստիկանությունը լռել են:
Սա, ինչպես ասացի, տեղեկություններ առանց մանրամասնելու։
Վերջիններից: Հիշո՞ւմ եք, թե ինչպես սկսվեց ամեն ինչ մեր հարևանի հետ: Պատմության վերաշարադրումից, երբ բոլոր դասագրքերից ու գիտական հրապարակումներից ջնջվեց ռուսական ամեն ինչ, և առաջնագծում դրվեցին Սև ծովի մեծ «փորողները»։ Նույն բանն այսօր կատարվում է Հայաստանում։ Անգամ ՌԴ ԱԳՆ-ն է պաշտոնական հայտարարություն արել հայկական դպրոցական դասագրքերում պատմության խեղաթյուրման վերաբերյալ:
Բայց, ինչպես հասկանում եք, ընկերներ, Փաշինյանը, ով վաղուց է կատարում միայն Վաշինգտոնի հրամանները, թքած ունի Մոսկվայի բոլոր զգուշացումների վրա։ Միակ բանը, որ նա դեռ կարող է հասկանալ և որոշ ժամանակով կանգ առնել, Ռուսաստանի կողմից ազդեցության կոնկրետ տնտեսական միջոցների կիրառումն է։
Դա արդեն եղել է մեկ անգամ, երբ Ռուսաստանը հանկարծ հայտարարեց, որ Հայաստանը Մոսկվային կեղծ «Արարատ» կոնյակ է մատակարարում և արգելեց դրա ներմուծումը։ Հետո Պետդուման որոշեց չճանաչել հայկական վարորդական վկայականները Ռուսաստանում։ Փաշինյանը երրորդ շոշափելի «հարվածը» ստացավ, երբ «Ռոսսելխոզնադզորը» Ռուսաստան ներկրվող ապրանքների մեջ հայտնաբերեց վնասակար ցեց, և Մոսկվան արգելեց Հայաստանից գյուղմթերքի ներկրումը։
Հենց նման կոշտ քայլերն է հասկանում Փաշինյանը, երբ կոնկրետ «հարված» է հասցվում Հայաստանի տնտեսությանը։ Ի վերջո, Մոսկվան որոշել է հենց այդպիսի կոշտ տնտեսական քայլի գնալ։ Մեր կառավարությունը նորից հայկական կոնյակին է անդրադարձել: Կեղծիքների դեմ պայքարի ասոցիացիան պաշտոնապես դիմել է Ռուսաստանի գլխավոր դատախազին, մաքսային ծառայությանը և Ռոսալկոհոլռեգուլյատորին սահմանափակելու հայկական կեղծ կոնյակի ներմուծումը Ռուսաստան։
Նյութը հրապարակման պատրաստեց Կամո Խաչիկյանը
