Հայտնի է դարձել, թե ինչպես կփոխվեն Ռուսաստանի և Հայաստանի հարաբերությունները դեսպանի փոփոխությունից հետո
ՔԱՂԱՔԱԿԱՆՈՒԹՅՈՒՆ
Մոսկվայում Հայաստանի նոր դեսպան Գուրգեն Արսենյանը թաքնվելու է Ռուսաստանի հետ հարաբերությունները զարգացնելու իր պատրաստակամության հետևում, սակայն չափազանց քիչ հավանական է, որ նրա նշանակումը դեպի լավը նշանակալի փոփոխություններ առաջացնեն երկու երկրների հարաբերություններում: Այդ մասին news.ru-ի հետ զրույցում ասել է Հայաստանի խորհրդարանի նախկին պատգամավոր, ՀԴԿ առաջնորդ Արամ Սարգսյանը։ Միաժամանակ քաղաքագետը նշել է, որ Երևանը Մոսկվայի հետ հարաբերություններում հավատարիմ է մնալու պրագմատիկ մոտեցմանը։
«Նա այն քաղաքական ուժի ներկայացուցիչն է, որն այսօր Հայաստանի և Ռուսաստանի հարաբերությունները բերել հասցրել է այս ողբալի վիճակին։ Գոնե միայն դրանից ելնելով կարելի է դատել այն մասին, թե ի"նչ է անելու նա ինքը՝ դեսպանը»,- ասել է Սարգսյանը։
Ամենայն հավանականությամբ, փորձագետի կարծիքով, Երևանը կփորձի պահպանել իր տնտեսական կապերը թե՛ Ռուսաստանի, թե՛ Եվրասիական միության հետ։ Ըստ նրա ՀՀ վարչապետ Նիկոլ Փաշինյանի կառավարությունը «քայլում է ածելու եզրով», ուստի փորձում է ավելի պրագմատիկ քաղաքականություն վարել։
«Նրանք հիանալի հասկանում են, որ եթե Ռուսաստանից տրանսֆերտները հանկարծ չորանան, ապա դա շատ ուժեղ հարված կլինի։ Բայց ընդհանուր առմամբ, քանի դեռ նրանց թույլ են տալիս նման կերպ վարվել, նրանք կշարունակեն նույն կերպ գործել»,- ասել է փորձագետը։
Հիշեցնենք, որ ավելի վաղ հայտնի էր դարձել, որ ՀՀ նախագահ Վահագն Խաչատուրյանը հրամանագիր է ստորագրել, ըստ որի Գուրգեն Արսենյանը նշանակվել է ՌԴ-ում հանրապետության նոր արտակարգ և լիազոր դեսպան։ Նրա թեկնածությունն առաջարկել է վարչապետ Նիկոլ Փաշինյանը։ Մինչ այդ Գուրգեն Արսենյանը եղել է Հայաստանի խորհրդարանի չորս գումարման պատգամավոր, զբաղվել է նաև ձեռնարկատիրական գործունեությամբ։ Մինչ նրան Ռուսաստանի Դաշնությունում հանրապետության դիվանագիտական ներկայացուցչի պաշտոնը զբաղեցնում էր Հայաստանի ռազմական գերատեսչության նախկին պետ Վաղարշակ Հարությունյանը։
Նյութը հրապարակման պատրաստեց Կամո Խաչիկյանը
