Բելգորոդի մարզում իրավիճակը բարդ է ու լարված, հայտարարվել է դաշնային նշանակության արտակարգ իրավիճակ․ ՌԴ ԱԻՆ
ՄԻՋԱԶԳԱՅԻՆ
ՌԴ Բելգորոդի մարզում դաշնային նշանակության արտակարգ իրավիճակ է հայտարարվել։ Այս մասին հաղորդում է ՌԻԱ Նովոստին՝ վկայակոչելով ՌԴ արտակարգ իրավիճակների նախարար Ալեքսանդր Կուրենկովին։
«Առաջարկում եմ Բելգորոդի մարզում ստեղծված արտակարգ իրավիճակը դասակարգել որպես դաշնային նշանակության արտակարգ իրավիճակ և սահմանել արձագանքման դաշնային մակարդակ»,- ասել է նա։
ՌԴ ԱԻ նախարարը նշել է, որ իրավիճակը տարածաշրջանում շարունակում է մնալ բարդ ու լարված։
«Բելգորոդի մարզում ուկրաինական զինված ուժերի կողմից իրականացված ահաբեկչությունների հետևանքով տուժել են բնակելի շենքեր և ենթակառուցվածքներ, քաղաքացիների շրջանում կան զոհեր և վիրավորներ»,- հավելել է Կուրենկովը։
