Ռուսաստանը ստեղծել է Vogan-9SP անօդաչու թռչող սարքը, որը կորսա ուկրաինական անօդաչու թռչող սարքեր
ՄԻՋԱԶԳԱՅԻՆ
Ուկրաինական անօդաչու թռչող սարքերի հարձակումները ռուսական ստորաբաժանումների վրա ընթացիկ հակամարտությունում գնալով ավելի ու ավելի մեծ խնդիր են դառնում Ռուսաստանի զինված ուժերի համար։ Նման մի շարք «փոքր հարվածներ» էլ, ըստ երևույթին, դրդել են Ռուսաստանին ստեղծել նոր անօդաչու թռչող սարք թշնամու անօդաչու թռչող սարքերի դեմ պայքարելու համար, գրում է overclockers.ru-ն:
Vogan-9SP-ն նախատեսված է ուկրաինական փոքր անօդաչու սարքերը որսալու և ոչնչացնելու համար։ Հայրենական արտադրության այդ կործանիչ անօդաչու թռչող սարքը ներկայացվել է Սանկտ Պետերբուրգում անօդաչու թռչող սարքերի ցուցահանդեսին։ Ցուցահանդեսին ներկայացված դրոնը եղել է կապույտ գույնի։
Այդ մինի անօդաչու թռչող սարքն ունի ներկառուցված մարտագլխիկ, շարժվում է չորս պտուտակներով և կարող է զարգացնել մինչև 200 կմ/ժ արագություն (մշակողները խոստանում են արդիականացված տարբերակում արագությունը հասցնել 250 կմ/ժ-ի)։ Անօդաչու թռչող սարքը պետք է թռչի օդում օգտագործելով ռադարի և օպտիկայի համակցված ուղղորդման համակարգը:
Երբ թշնամու անօդաչու թռչող սարքը հայտնաբերվում է, Vogan-9SP-ը օդ է բարձրանում 45 աստիճանի անկյան տակ և թռչում դեպի թիրախը։ Թիրախի հայտնաբերումը կարող է իրականացվել ցամաքային կայանի միջոցով, որը կոորդինատներ է փոխանցում անօդաչուին, սակայն անօդաչու սարքը ինքը ևս ունակ է ինքնուրույն հայտնաբերել թիրախները իր ներկառուցված էլեկտրաօպտիկական համակարգի միջոցով: Թե կոնկրետ ինչպես է աշխատում այդ համակարգը, մանրամասն չի բացատրվում: Հասնելով իր նպատակակետին դրոնը պետք է պայթի կիսաավտոմատ ռեժիմով։ Քանի որ այն փոխանցում է նաև տեսաազդանշան, հնարավոր է նաև պայթեցնել անօդաչու թռչող սարքը օգտագործելով փոքր չափի APU անօդաչու սարք:
Հստակ հայտնի չէ, թե այդ անօդաչու սարքերը երբ կօգտագործվեն մարտի դաշտում։ Համենայնդեպս, հիմա դրանք փորձարկվում են։
Նշենք, որ սովորական հակաօդային պաշտպանությունը գործնականում անզոր է մինի անօդաչու թռչող սարքերի դեմ: Բացի այդ, «երկիր-օդ» հրթիռները չափազանց թանկ են և հասանելի են միայն սահմանափակ քանակությամբ:
Ուստի ՀՕՊ հզոր համակարգերը հիմնականում օգտագործվում են ծանր զինված ինքնաթիռների, թևավոր կամ բալիստիկ հրթիռների դեմ։ Երբ խոսքը վերաբերում է FPV անօդաչուներին, ապա Ռուսաստանը հաճախ է ապավինում իմպրովիզացված համակողմանի պաշտպանությանը, որը բաղկացած է էլեկտրոնային պատերազմի համակարգերից և տարբեր տեսակի կրակահերթեր արձակող զենքերից:
Նյութը հրապարակման պատրաստեց Կամո Խաչիկյանը
