Կուրղինյան. Կովկասը երբեք ավելի լավը չի եղել, քան ռուսների օրոք
ՎԵՐԼՈՒԾՈՒԹՅՈՒՆՆԵՐ
Ռուսների օրոք Հայաստանի համար այնքան էլ լավը չէր, բայց բոլոր ուրիշների օրոք էլ շատ վատ է եղել, TVC-ի «Իմանալու իրավունք» հաղորդման ժամանակ ասել է փիլիսոփա, քաղաքագետ, «Ժամանակի էությունը» շարժման առաջնորդ Սերգեյ Կուրգինյանը, գրում է Rossaprimavera.ru-ն։
Հայաստանում կարծում են, որ խորհրդային իշխանության օրոք իրենց համար ամեն ինչ այնքան էլ լավ չէր, և քաղաքագետին հետաքրքրում է այն հարցը, թե իսկ ե՞րբ է ավելի լավը եղել։ «Նա այնտեղ ամեն ինչ ուներ, այդ բոլոր Արագածները, Համբարձումյանները, Մերգելյանները։ Նա ուներ այդ ամենը: Ի՞նչ ունի նա հիմա, բացի դուխովներից ու ազգային նվաստացումներից։ Այնպես որ, բանն այն է, որ ռուսների հետ այնքան էլ հարմարավետ չէ, իսկ մյուսների հետ ամբողջովին է անհարմար»,- ասել է Կուրղինյանը։ Դա, ըստ քաղաքագետի, պետք է հասկանան Վրաստանը, Հայաստանը, Ադրբեջանը կամ ԽՍՀՄ-ի կազմում եղած ցանկացած այլ երկիր:
Կուրղինյանը նշել է, որ Ադրբեջանը, սիրախաղ անելով Թուրքիայի հետ, պետք է մի քանի հարցի պատասխան տա. ցանկանու՞մ է դառնալ Թուրանի մաս, ինչպե՞ս կնայի դրան Իրանը, և ամենագլխավոր հարցը՝ երբ նա մտնի Թուրան, ավելի լա՞վը կլինի։
Այդ բոլոր հարցերի պատասխանները միանշանակ չեն, բայց դրանք պետք է ընդունել։ Երբ Ադրբեջանին ուղղված Թուրանի մաս դառնալու կոչը վերածվի պարտադրանքի, և դա տեղի ունենա մի քանի տարի անց, ապա այդ դեպքում ամեն ինչ լրիվ այլ կդառնա։
Քաղաքագետը կարծում է, որ այժմ կառուցվում է շատ բարդ աշխարհաքաղաքական կոմպոզիցիա, որի մեջ կան բազմաթիվ անհասկանալի կողմեր։ «Ռուսները կորցրել են իրենց և կորցրել կայսրության տեսլականը, որն առաջին հերթին պետք է սիրել, որը պետք է կառուցվի սիրո, սիմֆոնիայի, ինչ-որ ամբողջական հիմքերի վրա։ Մենք կորցրել ենք մեր մեգաթրենդն աշխարհում և այժմ ցավալիորեն փորձում ենք վերականգնել այն։ Եվ այնքան էլ հեշտ չէ 35 տարի հետո այն վերականգնել»,- ասել է Կուրղինյանը։
Փիլիսոփան կարծում է, որ հնարավոր չի լինի արագ վերականգնել կորցրածը, բայց ամեն օր անհրաժեշտ է վերականգնել, վերականգնել և վերականգնել և՛ մշակույթի, և՛ հումանիտար, և՛ տնտեսական ոլորտներում։ Եվ միայն այն ժամանակ, երբ վերադառնա կայսրության տեսլականը, մենք բոլորս կհասկանանք միմյանց:
Նյութը հրապարակման պատրաստեց Կամո Խաչիկյանը
