Փորձագետը պարզաբանել է, թե ինչպես է Հայաստանը վճարելու ԱՄՆ-ի հետ ռազմական համագործակցության համար
ՔԱՂԱՔԱԿԱՆՈՒԹՅՈՒՆ
ԱՄՆ զինված ուժերը չեն օգնի Երեւանին Հայաստանի դեմ ագրեսիայի դեպքում: Այդ մասին info24.ru-ին ասել է ՏԱՍՍ լրատվական գործակալության ռազմական դիտորդ, պաշտոնաթող գնդապետ Վիկտոր Լիտովկինը։
Հիշեցնենք, որ Երևանում մեկնարկել են «Արծիվ գործընկեր 2024» հայ-ամերիկյան զորավարժությունները: Ըստ ՀՀ պաշտպանության նախարարության, զորավարժությունների նպատակներն են բարձրացնել ստորաբաժանումների համակարգման մակարդակը, փոխանակել լավագույն փորձը կառավարման և մարտավարական հաղորդակցության ոլորտում, ինչպես նաև բարձրացնել հայկական ստորաբաժանումների մարտունակությունը։
«Հայաստանի ղեկավարությունը ի դեմս վարչապետ Նիկոլ Փաշինյանի, չգիտես ինչու կարծում է, որ ամերիկացիներն իրենց կպաշտպանեն։ Բայց Հայաստանն ապրում է իր նկատմամբ ոչ բարեկամական պետություններով շրջապատված։ Մի կողմից Թուրքիան, մյուս կողմից Իրանն ու Ադրբեջանը, ինչպես նաև Վրաստանը, որը հազիվ թե սատարի Հայաստանին, եթե ինչ-որ բան լինի»,- նշել է Լիտովկինը։
Նրա խոսքով, Ռուսաստանն է միշտ պաշտպանել Հայաստանին, ինչի շնորհիվ Երևանը պահպանել է իր անկախությունը, սակայն այժմ Հայաստանի իշխանությունները Մոսկվայի հետ համագործակցությունից հրաժարվելու կուրս են բռնել, ինչը կարող է երկիրը տանել տխուր ավարտի։
«Միացյալ Նահանգները մի այնպիսի զարմանալի կարողություն ունեն, ինչպիսին է լքել իր վասալներին ամենածանր պահերին: Հայաստանը մեծ սխալ է թույլ տալիս, քանի որ Վաշինգտոնը չի օգնի Երևանին ագրեսիայի դեպքում: Հայ-ամերիկյան զորավարժությունները մեզ համար վտանգ չեն ներկայացնում, բայց մենք ուշադիր հետևելու ենք դրանց, իսկ անհրաժեշտության դեպքում պատասխան միջոցներ կձեռնարկենք»,- ընդգծել է Լիտովկինը։
Հիշեցնենք, որ հուլիսի սկզբին էլ Փաշինյանը շնորհավորական ուղերձ էր հղել Սպիտակ տան ղեկավար Ջո Բայդենին ԱՄՆ Անկախության օրվա առթիվ ասելով, որ Երևանը պատրաստ է Վաշինգտոնի հետ հարաբերությունների մակարդակը հասցնել ռազմավարական գործընկերության։ Նա վստահություն էր հայտնել, որ դա կնպաստի ինչպես Հայաստանի, այնպես էլ Միացյալ Նահանգների «ավելի բարեկեցիկ ապագային»։
Նյութը հրապարակման պատրաստեց Կամո Խաչիկյանը
