Ցանկացել են պայթեցնել ՌԴ ՊՆ ղեկավարներին. ձերբակալված կա
ՄԻՋԱԶԳԱՅԻՆ![Ցանկացել են պայթեցնել ՌԴ ՊՆ ղեկավարներին. ձերբակալված կա](/timthumb.php?src=disc/10-07-24/05185232defb0c1b53b17aa0109fa952.jpg&w=780)
ՌԴ ԱԴԾ-ն ձերբակալել է Ուկրաինայի հետախուզության գլխավոր վարչության կողմից հավաքագրված ռուսաստանցուն, ով ահաբեկչություն էր նախապատրաստում ՌԴ ՊՆ երեք բարձրաստիճան զինվորականների դեմ։ Այս մասին ՏԱՍՍ-ին հայտնել են Ռուսաստանի ԱԴԾ հասարակայնության հետ կապերի կենտրոնից:
«Անվտանգության մարմինները ձերբակալել են 1994 թվականին ծնված Ռուսաստանի մի քաղաքացու, ով Ուկրաինայի ՊՆ հետախուզական գլխավոր վարչության հանձնարարությամբ փոստային ծառայությունների միջոցով կազմակերպել է նվերների փաթեթավորման մեջ քողարկված երեք հզոր պայթուցիկ սարքերի առաքում ՌԴ պաշտպանության գերատեսչության ղեկավարների՝ Մոսկվայում բնակության հասցեներով»,- նշել են գերատեսչությունում:
Նա խոստովանել է, որ 2024 թվականի մայիսին իրեն հավաքագրել են Ուկրաինայի ռազմական հետախուզության աշխատակիցները։
«Նա համաձայնել է ֆինանսական պարգևի դիմաց Ռուսաստանի տարածքում ահաբեկչական գործողությունների նախապատրաստման հետ կապված հրահանգներ կատարել»,- նշել են ԱԴԾ-ում։