Տնային առաջադրանք նախնական «հարվածից» առաջ. ձախողված բլիցկրիգը փոխեց հայաստանյան ընդդիմության ծրագրերը
ՔԱՂԱՔԱԿԱՆՈՒԹՅՈՒՆ
«Տավուշը հանուն հայրենիքի» շարժման զանգվածային և, հնարավոր է, ավելի արմատական փուլը կարող է սկսվել աշնանը, մասնավորապես մինչև այս տարվա սեպտեմբերի կեսերը։ Այդ մասին ասել է քաղաքական ստրատեգ, քաղաքական վերլուծաբան Վիգեն Հակոբյանը Sputnik Արմենիա մուլտիմեդիա մամուլի կենտրոնում կայացած տեսակոնֆերանսի ժամանակ, գրում է dzen.ru-ն։
«Ներկայումս ընդդիմադիր շարժումը բավականին ինտենսիվ տնային առաջադրանքներ է կատարում նոր կառույցներ ստեղծելու համար»,- ասել է Հակոբյանը։
Նրա խոսքով, սկզբնական փուլում շատերը հույս ունեին, որ շարժումը կգործի բլից-կրիգի ռեժիմով և կոչ էին անում շարժման առաջնորդներին արմատականացնել իշխանությունների դեմ պայքարելու ընդդիմության մեթոդները։ Սակայն դա տեղի չունեցավ։ Ներկայումս շարժումը գտնվում է վերաֆորմատավորման, ինստիտուցիոնալացման, ավելի հստակ քաղաքական օրակարգի սահմանման, կադրային թարմացման փուլում։ Փորձագետի խոսքով, նախապատրաստական աշխատանքներ են տարվում նոր փուլի համար։
Հակոբյանը նաև մեկնաբանելով Հայաստանում և Վրաստանում տեղի ունեցող ներքաղաքական գործընթացները, նշել է բազմաթիվ տարբերություններ: Հայաստանում քաղաքական իրադարձությունները սկսել են զարգանալ տեղական մակարդակում և դա ավելի շատ հանրային ընդվզում էր իշխանությունների քաղաքականության դեմ, մասնավորապես տարածքային զիջումների և չորս հայկական գյուղերի Ադրբեջանին հանձնելու դեմ։ Եվ այդ գործընթացը սկզբում չուներ կոնկրետ քաղաքական օրակարգ։
Հետագայում «բողոքի բունտը» մեծացավ, և դրան միացան նոր քաղաքական ուժեր։ Այդ ամենի արդյունքում մայրաքաղաքում տեղի ունեցան բազմաթիվ այնպիսի հանրահավաքներ, որոնք բավական երկար ժամանակ չէին եղել, և աստիճանաբար շարժումը լցվեց քաղաքական օրակարգով։
«Ամեն ինչ սկսվեց Հայաստանի մարզերից մեկի՝ Տավուշի անվտանգությունը պաշտպանելուց և ապահովելուց։ Այժմ շարժման հիմնական կարգախոսն է ամբողջ Հայաստանի տարածքային ամբողջականության պաշտպանությունն ավելի լայն հասարակական-քաղաքական գործընթացով»,- ասել է Հակոբյանը։
Նյութը հրապարակման պատրաստեց Կամո Խաչիկյանը
