Այս տղային փրկել են Հիմալայներում 47 օր աղով ու ջրով գոյատևելուց հետո

ՀԱՍԱՐԱԿՈՒԹՅՈՒՆ 5 Մայիս, 2017 17:51

PHOTO: Rescued Taiwanese trekker Liang Sheng Yueh is checked by Dr. Chakra Raj Pandey, Medical Director of Grandee International Hospital, a day after he was successfully rescued via helicopter, in Kathmandu, Nepal, April 27, 2017.

Ուժեղ ձյունն իսկական անեծք էր այս արշավականների համար։

Թայվանից մի տղայի ճակատագրական արշավը դեպի Հիմալայներ տևեց 47 օր։

China Post-ը հաղորդում է, որ այս շաբաթ փրկարարները Լիանգ Շենգ-Յուին գտել են Հիմալայան լեռներում մի ժայռի վրա, որտեղ նա մնացել է 47 օր։

Լիանգը, ով 21 տարեկան է, ասում է, որ իր 18-ամյա ընկերուհին՝ Լիու Չեն-չունը, մահացել է փրկարարների ժամանումից 3 օր առաջ։ BBC-ն հայտնում է, որ մինչ փրկարարների գալը Լիանգը կորցրել էր 70 ֆունտ, գլուխը ոջլոտել էր, իսկ ոտքերը ծածկվել էին թրթուրներով։ Նրան հետո տեղափոխել են Նեպալ, որտեղ բուժում է ստացել ու նշել 21-ամյակը։

PHOTO: Taiwanese trekker Liang Sheng-yueh, who was rescued alive after being stranded in the Himalayas for 47 days, talks with a nutritionist in a hospital in Kathmandu, April 26, 2017.

Լիանգն ասում է, որ դժբախտության պատճառը ձյունն էր։ Երբ զույգն ավելի վաղ՝ մարտին, արշավի է մեկնել, ձնաբուք է սկսվել, որի պատճառով զույգը փոխել է ուղղությունը՝ ապաստան փնտրելով։

Փրկարարները հայտնում են, որ մոլորվելուց հետո զույգը գնացել է գետի ուղղությամբ ներքև՝ ինչ-որ գյուղ գտնելու հույսով։ Բայց նրանք հասել էին ջրվեժի ծայրին ու մնացել այնտեղ և չէին կարողացել ետ գնալ։

Երբ զույգը հասել է ժայռին, ուժեղ ձյուն է եկել, ու նրանք ստիպված են եղել ապաստան գտնել ժայռի տակ, որովհետև վրան խփել հնարավոր չէր։ Սկզբում նրանք սնվել են կարտոֆիլով ու արիշտայով, իսկ հետո, երբ դրանք վերջացել են, մնացել են աղի ու ջրի հույսին։

Աղբյուր՝ BlogNews.am