«Ռուսնեֆտ»-ը լքել է Ադրբեջանը պատժամիջոցների պատճառով
ՄԻՋԱԶԳԱՅԻՆ
«Ռուսնեֆտ»-ն իր կառուցվածքից բացառել է այն ընկերություններին, որոնք վերահսկում են ակտիվներն Ադրբեջանում, գրում է РБК-ն հղում անելով փաստաթղթերին, գրում է moscowtimes.ru-ն։
Որոշումն առնչվել է GEA Holdings Limited-ին, որը նախագծեր ուներ հանրապետության պետական Socar նավթային ընկերության հետ: «Ռուսնեֆտ»-ը GEA Holdings Limited-ի միջոցով մասնակցել է 16 նավթահանքերի մշակմանը, այդ թվում Աբշերոն, Բինագադի, Նեֆտչալայ և Շիրվան։ Այն գնվել է 2014 թվականին 870 միլիոն դոլարով և համարվում էր Ադրբեջանի «խոշորագույն արտասահմանյան ցամաքային նավթային ընկերությունը»։
«Ռուսնեֆտ»-ը նաև ազատվել է GEA-ի հետ կապված Cypriot Global Energy Cyprus Limited-ից և Կայմանյան կղզիներում գրանցված չորս ընկերություններից։
Առաջ «Ռուսնեֆտը» առաջնահերթություն էր համարել Ադրբեջանում իրականացվող նախագծերը։ Այնտեղ արդյունահանման ծավալները չեն բացահայտվում, սակայն 2019 թվականին ընկերությունը նախատեսում էր արդյունահանել մոտ 500 հազար տոննա նավթ։ Ներկայումս ընկերությունը չի բացատրել հանրապետությունը լքելու իր որոշումը։
Ադրբեջանական ընկերություններին դուստր ձեռնարկությունների ցուցակից հանելուց հետո «Ռուսնեֆտ»-ին այլևս արտասահմանյան արտադրական ակտիվներ չունի։ Այժմ նրա արտադրական պորտֆելը կենտրոնացած է Ռուսաստանի Արևմտյան Սիբիրում, Վոլգայի մարզում և Կենտրոնական Սիբիրում։ Ընկերությունը մատնանշել է «բացասական արտաքին գործոնները», որոնք հանգեցրել են նավթի շուկայում «անորոշության»:
2023 թվականին «Ռուսնեֆտ»-ը տարեկան կտրվածքով կրճատել է նավթի արդյունահանումը 7 %-ով՝ հասնցնելով այն 6,43 միլիոն տոննայի։
Փորձագետներն այս ամենը կապում են Ուկրաինայի պատերազմի հետ, որը շարունակում է սեղմել Ռուսաստանին պատժամիջոցների օղակով: Օտարերկրյա ակտիվներից ելքը տեղի է ունենում ընդհանուր աշխարհաքաղաքական մթնոլորտի համատեքստում, նշում է General Invest-ի պորտֆելի մենեջեր Տատյանա Սիմոնովան։
«Այդ թվում ռուսական ընկերությունների դեմ պատժամիջոցների և հենց ռուսական ընկերությունների կողմից պատասխան միջոցների ֆոնին», - ավելացրել է նա։
Veta փորձագիտական խմբի կառավարիչ գործընկեր Իլյա Ժարսկին համաձայն է, որ «Ռուսնեֆտ»-ի Ադրբեջանից հեռանալու պատճառը կարող է լինել միջազգային գործողությունների հետ կապված պատժամիջոցների ռիսկերը։
«Ռուսնեֆտ»-ի շահառուն Միխայիլ Գուցերիևի ընտանիքն է։ Միլիարդատերը ԵՄ-ի և Մեծ Բրիտանիայի պատժամիջոցների տակ է հայտնվել դեռևս պատերազմի սկսվելուց առաջ՝ 2021 թվականին, Բելառուսի նախագահ Ալեքսանդր Լուկաշենկոյի հետ կապի պատճառով, ով Արևմուտքում մեղադրվում է ընտրությունները կեղծելու և ընդդիմությանը հետապնդելու մեջ։
Պատժամիջոցների սահմանումից հետո Գուցերիևը լքել է «Ռուսնեֆտ»-ի տնօրենների խորհրդի նախագահի պաշտոնը։
Նյութը հրապարակման պատրաստեց Կամո Խաչիկյանը
