Ամպագոռգոռ և վիճահարույց հայտարարություններ անելը Փաշինյանի ոճն է․ «Փաստ»

«Փաստ» օրաթերթը գրում է.

Absatz.media–ն «Քաղաքագետ. Փաշինյանը սակարկում է Ռուսաստանի և Եվրամիության հետ» վերնագրով հոդվածում գրում է, որ Նիկոլ Փաշինյանն ասել է, թե աննպատակահարմար է համարում Եվրամիությանն անդամակցելու հանրաքվեի անցկացումը, սակայն կարծում է, որ հանրապետության ժողովուրդը եվրոպական նկրտումներ ունի։ Քաղաքագետ Ստանիսլավ Տարասովը absatz.media-ի հետ զրույցում ասել է, որ Փաշինյանը վախենում է հանրաքվեի արդյունքներից, քանզի վստահ չէ, որ հանրապետության բնակչությունը կողմ է քվեարկելու Եվրամիությանն անդամակցելուն։ Միևնույն ժամանակ, նրան պետք է ընտրություն կատարել Ռուսաստանի և ԵՄ-ի միջև։

«Փաշինյանը նախ խոսում է հանրաքվեի մասին, հետո այն համարում է անտեղի, քանի որ դրա արդյունքների նկատմամբ վստահություն չկա։ Նրա համար ցանկացած հարցի վերաբերյալ ազգային քվեարկությունը իր լեգիտիմության քննությունն է։ Կառավարության ժողովրդականության վարկանիշը կտրուկ ընկնում է: Հայաստանի անդամակցությունը ԵՄ-ին և անդամակցությունը ԵԱՏՄ-ին, որտեղ հանրապետության համար դիվիդենտներն ակնհայտ են, անհամատեղելի են, ուստի պետք է ընտրություն կատարել։ Այդ ամենը այն սակարկության տարրերն են, որը նա իրականացնում է Եվրոպայի և Ռուսաստանի հետ»,- կարծում է քաղաքագետը։

Տարասովի խոսքով, ամպագոռգոռ և վիճահարույց հայտարարություններ անելը Փաշինյանի ոճն է, որոշ հայեր ցանկանում են, որ հանրապետությունը միանա Եվրամիությանը, սակայն Հայաստանի վարչապետը վստահ չէ, որ ողջ բնակչությունը եվրոպական նկրտումներ ունի։ Ավելի վաղ Փաշինյանը ՀԱՊԿ-ից Հայաստանի դուրս գալն անվանել էր կազմակերպության հետ Երևանի հարաբերություններում հաջորդ տրամաբանական քայլը, որը կհաջորդի այն ժամանակ, երբ հանրապետության իշխանությունները անհրաժեշտ համարեն դա անել։

Մանրամասները՝ «Փաստ» օրաթերթի այսօրվա համարում