Զելենսկին հայտարարել է, որ պատրաստ է հանդիպել Թրամփի հետ ու քննարկել ուկրաինական հակամարտության լուծմանն ուղղված նրա առաջարկները
ՄԻՋԱԶԳԱՅԻՆ![Զելենսկին հայտարարել է, որ պատրաստ է հանդիպել Թրամփի հետ ու քննարկել ուկրաինական հակամարտության լուծմանն ուղղված նրա առաջարկները](/timthumb.php?src=disc/03-07-24/3eb1c4413787b11f778b0d66867ab971.jpg&w=780)
Ուկրաինայի նախագահ Վլադիմիր Զելենսկին հայտարարել է, որ եթե ԱՄՆ նախկին նախագահ Դոնալդ Թրամփը հրապարակի իր «խաղաղության ծրագիրը», ինքը կհանդիպի նրա հետ և կքննարկի այն։
Bloomberg-ին տված հարցազրույցում Զելենսկին Թրամփին կոչ է արել ասել Կիևին՝ «ինչպես վերջ տալ այս պատերազմին», եթե նա գիտի պատասխանը։
Զելենսկին ասել է նաև, որ պատրաստ է հանդիպել Թրամփի հետ, որպեսզի անձամբ նրանից լսի այն առաջարկները, որոնք ուղղված են ուկրաինական հակամարտության լուծմանը։
Ավելի վաղ էլ Politico-ն, հղում անելով իր աղբյուրներին, գրել էր, որ Թրամփը դիտարկում է ՆԱՏՕ-ի և Ռուսաստանի միջև «գործարքի» հնարավորությունը, համաձայն որի ՆԱՏՕ-ն կպարտավորվի այլևս չընդլայնվել դեպի արևելք, ինչպես նաև կբանակցի ՌԴ նախագահ Վլադիմիր Պուտինի հետ այն հարցի շուրջ, թե Ուկրաինայի տարածքի որ մասը կարող է պահպանել Մոսկվան։
Այս առնչությամբ ՌԴ նախագահի մամուլի քարտուղար Դմիտրի Պեսկովը հայտարարել էր՝ Վլադիմիր Պուտինն Ուկրաինայի հարցի շուրջ Դոնալդ Թրամփի հետ բանակցություններ չի վարում։