Ձերբակալվել է Արաբկիրի թաղապետը. մանրամասներ
ԻՐԱՎՈՒՆՔ![Ձերբակալվել է Արաբկիրի թաղապետը. մանրամասներ](/timthumb.php?src=disc/03-07-24/8a0a27398abf0830ee33339488f991e7.jpg&w=780)
Քիչ առաջ տեղեկացրել էինք, որ Արաբկիրի վարչական շրջանի գրասենյակում քննչական գործողություններ են իրականացվում: ՔԿ-ից էլ հայտնեցին, որ կան ձերբակալվածներ:
MediaHub-ի տեղեկություններով` իրավապահները ձերբակալել են Արաբկիրի վարչական շրջանի ղեկավար Արամ Ազատյանին, նրա տեղակալներին և թաղապետարանի այլ աշխատակիցների:
Ոչ պաշտոնական տեղեկատվությամբ` ձերբակալությունները կապված են կոռուպցիոն բնույթի գործի հետ:
Մանրամասները՝ հաջորդիվ:
Հիշեցնենք, ավելի վաղ ՔԿ-ից հայտնել էին, որ ՀՀ քննչական կոմիտեի պետության, սահմանադրական կարգի հիմունքների և հասարակական անվտանգության դեմ ուղղված հանցագործությունների քննության գլխավոր վարչությունում քննվող քրեական վարույթի շրջանակներում Երևան քաղաքի Արաբկիր վարչական շրջանի գրասենյակում, ԱԱԾ Երևանի քաղաքային վարչության աշխտակիցների օժանդակությամբ, իրականացվում են անհրաժեշտ և անհետաձգելի քննչական ու վարութային այլ գործողություններ, կան ձերբակալված անձինք։
Վահե Մակարյան