«Շիրակ» օդանավակայանում ռումբի առկայության մասին կեղծ ահազանգ կատարելու կասկածանքով ձերբակալել են 36-ամյա տղամարդու
ՀԱՍԱՐԱԿՈՒԹՅՈՒՆ![«Շիրակ» օդանավակայանում ռումբի առկայության մասին կեղծ ահազանգ կատարելու կասկածանքով ձերբակալել են 36-ամյա տղամարդու](/timthumb.php?src=disc/02-07-24/7ff09f999fb9270d426f9b8767de938b.jpg&w=780)
«Շիրակ» օդանավակայանում ռումբի առկայության կեղծ ահազանգը կատարելու կասկածանքով ձերբակալվել է 36-ամյա տղամարդ, այս մասին հայտնում է ՆԳՆ խոսնակ Նարեկ Սարգսյանը։
«Ահազանգը, իբր «Շիրակ» օդանավակայանում ռումբ կա տեղադրված, կեղծ է։
ՆԳՆ ոստիկանության ծառայողները, համագործակցելով ԱԱԾ գործընկերների հետ և ձեռնարկելով անհետաձգելի օպերատիվ-հետախուզական միջոցառումներ, կեղծ ահազանգը կատարելու կասկածանքով ձերբակալել են 36-ամյա տղամարդու։
Օդանավակայանի բնականոն աշխատանքը վերականգնվել է»,- ասվում է հաղորդագրությունում։