Ապամոնտաժվել են «Ջիջի» ընկերության ու մի շարք այլ ընկերությունների ապօրինի տեղադրված գովազդային վահանակներ (տեսանյութ)
ՀԱՍԱՐԱԿՈՒԹՅՈՒՆ![Ապամոնտաժվել են «Ջիջի» ընկերության ու մի շարք այլ ընկերությունների ապօրինի տեղադրված գովազդային վահանակներ (տեսանյութ)](/timthumb.php?src=disc/29-06-24/0c173d5814bc1ba060418c1222dc1220.jpg&w=780)
Մայրաքաղաքի Արաբկիր վարչական շրջանի մի շարք հասցեներում ապամոնտաժվել են «Ջիջի» ընկերության ու մի շարք այլ ընկերությունների ապօրինի տեղադրված գովազդային վահանակներ: Այս մասին տեղեկանում ենք Արաբկիր վարչական շրջանի ֆեյսբուքյան էջից։
Ավելի վաղ Երևանի քաղաքապետարանից հայտնել էին, որ Երևանի ավագանին 2023 թվականի ապրիլին փոփոխություններ է կատարել արտաքին գովազդի տեղադրման, կրիչների և էսքիզների սահմանված չափորոշիչներում, որոնցով պահանջվում է բոլոր գովազդները համապատասխանեցնել նոր չափորոշիչներին:
«Մայրաքաղաքի վարչական շրջաններում ապամոնտաժվում են սուպերմարկետների, խանութների, սրճարանների, բանկերի տեղեկատու դաշտով գովազդային մեծ վահանակները:
Տնտեսվարողները ծանուցվում և նախազգուշացվում են, որոշ դեպքերում հենց իրենք էլ հեռացնում են վահանակները:
Մի քանի վարչական շրջաններում գովազդային վահանակներն ու այլ տարբերակով եղած գովազդները մեծամասամբ հեռացվել են», - ասված է քաղաքապետարանի տարածած հաղորդագրության մեջ:
Վահանակների ապամոնտաժման կադրերը կարող եք դիտել այստեղ։