Ծանրամարտիկ Արսեն Մարտիրոսյանն ազատվել է պարտադիր զինծառայությունից
ՍՊՈՐՏ![Ծանրամարտիկ Արսեն Մարտիրոսյանն ազատվել է պարտադիր զինծառայությունից](/timthumb.php?src=disc/27-06-24/41aab8244322bcbbc0ad3f45acf53a35.jpg&w=780)
Կառավարությունն իր այսօրվա նիստում որոշեց ծանրամարտի ազգային հավաքականի անդամ Արսեն Մարտիրոսյանն ազատել պարտադիր զինվորական ծառայությունից:
Որոշման հիմնավորման մեջ նշված է, որ ՀՀ ծանրամարտի ազգային հավաքականի անդամ, Եվրոպայի առաջնությունների բազմակի մրցանակակիր, ՀՀ միջազգային կարգի սպորտի վարպետ Արսեն Գևորգի Մարտիրոսյանին պարտադիր զինվորական ծառայությունից տարկետում է տրվել մինչև 2024-ի ամառային զորակոչը։ Տարկետումը տրամադրվելուց հետո՝ նոր նվաճումներ է ունեցել՝ այդ թվում՝ ծանրամարտի Եվրոպայի 2022-ի առաջնության 3-րդ մրցանակակիր է դարձել:
Այժմ անհրաժեշտություն է առաջացել պարտադիր զինծառայությունից ազատել Արսեն Մարտիրոսյանին: