Հայաստանում օրենքի սահմաններում արագ իշխանափոխության փորձը դեռ չի հաջողվել
ՔԱՂԱՔԱԿԱՆՈՒԹՅՈՒՆ
Հայաստանում շարունակվում են «Տավուշ հանուն հայրենիքի» շարժման բողոքի ցույցերը, որը գլխավորում է արքեպիսկոպոս Բագրատ Գալստանյանը (Սրբազան)։ Հունիսի 9-ին նա հայտարարել էր Երևանի փողոցներում քառօրյա բողոքի ակցիաներ սկսելու մասին և կոչ արել հայերին շարունակաբար բոյկոտել և փակել մայրաքաղաքի փողոցները չշեղվելով աշխատանքով ու ժամանցով, գրում է rossaprimavera.ru-ն։
Կոչից հետո հայ ցուցարարները Գալստանյանի գլխավորությամբ շարժվել էին դեպի Հանրապետության հրապարակ և Բաղրամյան պողոտա, որտեղ գտնվում է խորհրդարանի շենքը։ Սակայն ոստիկանները նրանց թույլ չէին տվել մոտենալ շենքին, և ցուցարարները մի փոքր այն կողմ վրանային ճամբար են ստեղծեցին։ Մի քանի ժամ շարունակ բախումներ են եղել ցուցարարների և ոստիկանների միջև։ Այնուհետև հունիսի 10-ին և 11-ին ցուցարարները փակել են Երևանի հիմնական պողոտաները (Մյասնիկյան, Ազատության) օգտագործելով ամեն ինչ աղբամաններից մինչև ձգված մետաղական շղթաներ:
Ընդդիմության գործողությունները, սակայն, չեն տպավորել վարչապետ Նիկոլ Փաշինյանին։ Հունիսի 11-ին նա համացանցում բացահայտող տեսանյութ էր հրապարակել առ այն, թե ինչպես է դատարկ փողոցներով հեծանիվ վարում իր ամառանոցից մինչև կառավարության շենք: Իբր փողոցներում ցուցարարներ չկան, և ինքը նրանցից չի վախենում։ Փաշինյանի տեսանյութը, սակայն, ոչինչ չի ապացուցում, քանի որ այն կարող է բեմականացում լինել:
Հունիսի 11-ի երեկոյան Երևանի կենտրոնում հավաքվելով ընդդիմությունն ակնկալում էր, որ արտահերթ նիստ կանցկացվի կառավարության հրաժարականի թեմայով։ Սակայն նախատեսվածը չեղավ։ Ազգային ժողովի նախագահ Ալեն Սիմոնյանը հունիսի 10-ին հայտարարեց, որ ընդդիմության առաջարկը կմերժվի։ Սակայն հետագայում նա, այնուամենայնիվ, հրաման ստորագրեց արտահերթ նիստ անցկացնելու մասին «Կառավարության հրաժարականի մասին» օրակարգով, բայց հունիսի 17-ով։ Միաժամանակ պետք է հասկանալ, որ այն օրակարգ մտցնելը չի նշանակում, որ նիստ լինելու է։
Հունիսի 11-ին ազգային ժողովի համապատասխան հանձնաժողովը երկու ամսով հետաձգեց ընդդիմության առաջարկի քննարկումը։ բայց հանձնաժողովի որոշումը չի խանգարում ընդդիմադիր «Հայաստան» և «Պատիվ ունեմ» խմբակցություններին նախագիծը քննարկման դնել, սակայն կա հավանականություն, որ իշխող խմբակցությունը կբոյկոտի նիստը, և դրա անցկացումը կխաթարվի։ Այդ դեպքում Հայաստանում իշխանափոխության հերթական փորձը ձախողվելու է։
Բայց ընդդիմությունը հույսը չի կորցնում, և բողոքի ակցիաները շարունակվում են։
Զուգահեռաբար, Փաշինյանի կողմից վերահսկվող մի շարք կուսակցություններ հանդես եկան 3-4 ամսվա ընթացքում Հայաստանի Եվրամիությանն անդամակցելու հարցով հանրաքվե անցկացնելու նախաձեռնությամբ։ Այդ քայլով կարծես թե փորձ է արվում ընդհատել տեղեկատվական օրակարգը բնակչության շրջանում և գնել մարդկանց նոր խոստումներով ու «պայծառ ապագայի» հույսերով։
Այս ամենի ֆոնին Հայաստանի իշխանությունները շարունակում են սադրել Ռուսաստանին նրա նկատմամբ բացասական վերաբերմունք դրսևորելով։ Չնայած օրինական իշխանության հետ երկխոսություն վարելու Մոսկվայի պատրաստակամությանը, Երևանը հնարավորինս հեռացնում է Մոսկվային: Երևանի պաշտոնյաները խստացրել են իրենց հռետորաբանությունը Ռուսաստանի և ՀԱՊԿ-ի նկատմամբ մեկնելով Բուչա, որտեղ հայտարարում են Ուկրաինային աջակցելու մասին: Միգուցե՞ Հայաստանի իշխանություններն իսկապես ցանկանում են, որ Ռուսաստանը սկսի աջակցել ընդդիմությանը, որպեսզի բոլոր անախորժությունների մեջ մեղադրեն Մոսկվային։
Նյութը հրապարակման պատրաստեց Կամո Խաչիկյանը
