«Փյունիկի» սեփականատեր. «Հայաստանի ֆուտբոլի ֆեդերացիան փորձում է դուրս մղել մեզ»
ՍՊՈՐՏ![«Փյունիկի» սեփականատեր. «Հայաստանի ֆուտբոլի ֆեդերացիան փորձում է դուրս մղել մեզ»](/timthumb.php?src=disc/09-06-24/875fbc113e49dca3a13f8098c617ff72.jpg&w=780)
«Փյունիկ» ֆուտբոլային ակումբի սեփականատեր Արթուր Սողոմոնյանը Sport24.ru-ի թղթակից Դենիս Նիկոլաևի հետ զրույցում մեկնաբանել է ակումբի կոնֆլիկտը Հայաստանի ֆուտբոլի ֆեդերացիայի հետ։ Չեմպիոնների լիգայի որակավորման հանդիպումների համար «Փյունիկին» առաջարկվել են Գյումրիի (2300 հանդիսական) և Արմավիրի (1800 հանդիսական) մարզադաշտերը որպես հիմնական և պահեստային դաշտեր, որոնք չեն կարող տեղավորել թիմի բոլոր երկրպագուներին։
— Արթուր Արշամովիչ, կարող եք մեկնաբանել, թե ի՞նչ է կատարվում Հայաստանի ֆուտբոլի ֆեդերացիայի և «Փյունիկի» միջև։
— Արդեն երկու տարի է, ինչ ՀՖՖ-ն կոնֆլիկտի մեջ է «Փյունիկ» ֆուտբոլային ակումբի հետ ակտիվորեն փորձելով մեզ դուրս բերել Հայաստանի առաջնությունից։ Ինձ համար դժվար է հասկանալ իրական պատճառը։ Ըստ երևույթին, որովհետև ես ընտրություններում դեմ եմ քվեարկել նրանց և բազմիցս նշել եմ կառավարման սխալներ, որոնց պատճառով հայկական ֆուտբոլն իր գոյության ընթացքում ընկել է ամենացածր կետին` ցույց տալով աղետալի ցածր արդյունքներ բոլոր տարիքային խմբերում և կատեգորիաներում։ Հայաստանում ազգային ֆուտբոլի նկատմամբ հետաքրքրությունը գործնականում կորել է։ Ցավոք, այս հակամարտությունը դուրս է եկավ անձնական հարաբերությունների դաշտից, ֆեդերացիան գործնականում զրկել է երկրպագուներին հանդիպումներին, խաղերին ներկա գտնվելու հնարավորությունից` այս տարի խաղերի ճնշող մեծամասնությունը կազմակերպելով աշխատանքային օրերին, ցերեկային ժամերին։ Բացի այդ, անցած տարվա սեպտեմբերից «Փյունիկը» ամբողջությամբ զրկված է սեփական դաշտից ու մարզումներ հնարավորությունից։ Պատահում է, որչնայած Հայաստանի գրեթե բոլոր բնական դաշտերը գտնվում են ֆուտբոլի ֆեդերացիայի վերահսկողության տակ, բայց մեզ ստիպում են խաղալ արհեստական խոտածածկով մանկական մարզադաշտում: Չնայած այդ ամենին թիմն իր բարձր կարգի և բնավորության շնորհիվ կարողացավ հաղթահարել բոլոր խոչընդոտները և դառը պայքարում նվաճել չեմպիոնի տիտղոսը՝ դառնալով Հայաստանի տասնվեցակի չեմպիոն։ Մեր բոլոր թիմերը, այդ թվում՝ երիտասարդական ու կանանց հավաքականները, շատ լավ են հանդես գալիս։ Հայաստանի պատմության մեջ առաջին անգամ հանրապետությունը մեկ ակումբով կներկայանա Չեմպիոնների լիգայի երեք մրցաշարերում՝ հիմնական, կանանց և երիտասարդական կարգերում, և դա «Փյունիկ»-ն է։ Թվում է, թե ֆուտբոլի ֆեդերացիան պետք է աջակցի մեզ։ Բայց առայժմ հակառակն է: Այն ամենին, ինչին հաջողվել է հասնել, մենք հասնում ենք ոչ թե օգնությամբ, այլ Ֆեդերացիայի կողմից արհեստականորեն ստեղծված խոչընդոտները հաղթահարելով:
— Հիմա ամենահրատապ հարցը, եվրագավաթները...
— Հայաստանի ներքին առաջնության նկատմամբ հետաքրքրությունը շատ քիչ է, բայց բոլորն անհամբեր սպասում են հայկական թիմերի մասնակցությանը եվրոպական մրցումներին։ Անցյալ տարի մեզ զրկեցին Հանրապետական մարզադաշտից և ուղարկեցին Աբովյանի փոքրիկ մարզադաշտ՝ 3000 նստատեղով։ Արդյունքում, մեր երկրպագուների շատ մեծ մասը չկարողացավ ներկա գտնվել Կոնֆերանսի լիգայի երկրորդ տուրի հանդիպմանը և մնաց մարզադաշտի դարպասներից դուրս։ Դա առաջին անգամ էր ժամանակակից Հայաստանի պատմության մեջ։ ՈՒԵՖԱ-ի ներկայացուցիչը ֆեդերացիային գրել է լուրջ դիտողություն այս կապակցությամբ։ Այս տարի մենք երկիրը ներկայացնելու ենք Չեմպիոնների լիգայում և ակնկալում ենք նաև մեծ թվով երկրպագուներ, ուստի պահանջում ենք ապահովել Հայաստանի այն միակ մարզադաշտը, որը կարող է տեղավորել մեծ թվով երկրպագուներ՝ Վազգեն Սարգսյանի անվան հանրապետական մարզադաշտը։
Ցավոք սրտի, մինչ այժմ մենք չենք կարողացել համաձայնության գալ ֆեդերացիայի հետ, ինչը կրկին շատ հեռուն գնացող խոչընդոտներ է ստեղծում։ Որպես պահեստային տարբերակ՝ մեզ ստիպեցին դիտարկել հարևան Վրաստանում գտնվող մարզադաշտը։ Շատ շնորհակալություն Թբիլիսիի «Դինամոյին», որն օգնության ձեռք մեկնեց և համաձայնեց մեզ մարզադաշտ տրամադրել այն դեպքում, երբ համաձայնություն չկարողանա Հայաստանում։
Մենք հակամարտություն չենք նախաձեռնում, մենք գործում ենք կանոնների և միջազգային կանոնակարգերի շրջանակներում։ Օրինակ, երբ մենք կապվեցինք ՈՒԵՖԱ-ի հետ Թբիլիսիի հարցով, նրանք չգիտեինյ ինչ անել և ավտոմատ կերպով մեզ ուղարկեցին տեղի ֆեդերացիա: Ստիպված եղանք հիշեցնել, որ ՈՒԵՖԱ-ի Չեմպիոնների լիգայի կանոնակարգի 25.07 կետի համաձայն, խաղերի անցկացման վայրի որոշումը ՈՒԵՖԱ-ի իրավասությունների մեջ է: Նրանք համաձայնեցին դրա հետ, խոստացան օգնել համաձայնության գալ Երևանի մարզադաշտի հարցում։
Մեր տեղեկություններով՝ ՈՒԵՖԱ-ի ղեկավարները զանգահարել են Հայաստանի ֆուտբոլի ֆեդերացիա, որից հետո սկսել են որոշ գործողություններ, մեզ ուղարկել են շատ կոպիտ համաձայնագրի նախագիծ, որը պարունակում է բազմաթիվ հակասական կետեր, այդ թվում Հայաստանի օրենսդրությանը չհամապատասխանող։ Դրանցից մեկի համաձայն նախորդ տարի մենք զրկվեցինք Հայաստանի առաջնությունում հանդես գալու հնարավորությունից։ FAS-ն արդեն գործ է հարուցել այդ իրավիճակի վերաբերյալ, և մենք նույնիսկ ստիպված ենք եղել դիմել դատարան։ Մյուս շատ լուրջ խնդիրն այն է, որ ֆուտբոլի ֆեդերացիան հրաժարվում է մարզադաշտեր տրամադրել, առանց որոնց հնարավոր չի լինի նախապատրաստվել հանդիպումներին։
Թեև հուլիսին, երբ տեղի են ունենում ընտրական առաջին հանդիպումները, բոլոր դաշտերն ազատ են, չեն խաղում ոչ մանկական թիմերը, ոչ ազգային թիմերը, ոչ էլ այլ ակումբներ։ Կայանում են միայն եվրագավաթների հանդիպումները։ Դաշտերի սակավության մասին խոսք չկա, կա ֆեդերացիայի ղեկավարի և փոխնախագահ Արմեն Մելիքբեկյանի և Արմեն Նիկողոսյանի անձնական դիրքորոշման հարցը, ովքեր իրենց անձնական ամբիցիաները շատ ավելի բարձր են դասում, քան երկրպագուների շահերն ու ֆուտբոլի զարգացումը հանրապետությունում։
- Ինչո՞վ է պայմանավորված ՀՖՖ-ի նման վերաբերմունքը:
- Ինձ համար դժվար է հասկանալ: Բայց դա տեղի է ունենում վերջին մի քանի տարիների ընթացքում, և ոչ միայն մեզ հետ կապված։ Վերջին տարիներին լիգայի հինգ խոշոր ակումբներ սխալ են գործել, քանի որ Ֆուտբոլի ֆեդերացիայի գործողությունների արդյունքում մրցաշրջանի միջնամասում լքեցին Հայաստանի առաջնությունը: Հատկապես վիրավորականն այն է, որ նրանցից չորսը ներկայացնում էին մեծ շրջաններ: Բոլորն էլ դեմ են քվեարկել Մելիքբեկյանի թեկնածությանը։ Հիմա հերթը Փյունիկինն է:
Ֆեդերացիայի ներկայիս ղեկավարությունն արդեն մի քանի տարի է, ինչ չի կարողանում որևէ դրական արդյունք ցույց տալ, այն մնում է իշխանության ղեկին միայն ռեպրեսիաների և սանկցիաների միջոցով։ Բայց «Փյունիկը» պատրաստ չէ հեռանալ, քանի որ այսօր Հայաստանի ամենատիտղոսակիր ակումբն է` հարուստ պատմությամբ։ Ակումբը ղեկավարում է հանրապետության ամենամեծ ֆուտբոլային ակադեմիան՝ ավելի քան 1800 երեխաներով։ Իհարկե, ստեղծված իրավիճակը անհեթեթ է թվում։
- Եթե ֆեդերացիայի հետ հնարավոր չլինի համաձայնության գալ, ՈւԵՖԱ-ն դեմ չի՞ լինի Թբիլիսիի մարզադաշտում կայանալիք խաղին:
- Ես չգիտեմ ՈՒԵՖԱ-ի դիրքորոշումը, Հայաստանի ֆուտբոլի ֆեդերացիայի հետ դեռ որոշում չկա: Մենք առաջին անգամը չէ, որ կապ ենք հաստատել ՈւԵՖԱ-ի հետ։ Նրանք, որպես կանոն, նախընտրում են չմիջամտել տեղի ֆեդերացիաների ներքին գործերին, թեև ֆորմալ առումով համաձայն են մեզ հետ և տարակուսած են նաև Հայաստանի ֆուտբոլի ֆեդերացիայի ղեկավարների դիրքորոշման հարցում։ Հուսով եմ, որ այս անգամ նրանց միջամտությունը կօգնի լուծել հակամարտությունը, քանի որ Չեմպիոնների լիգան տարվա ամենագլխավոր ֆուտբոլային մրցաշարն է: Ես տեսնում եմ, որ ՈւԵՖԱ-ի ուշադրությունն արդեն որոշակի դրական ազդեցություն է ունեցել, որոշակի առաջընթաց է սկսվել, հուսով եմ, որ մենք վերջնականապես կլուծենք այս հարցը։ Ես միայն մեկ նպատակ ունեմ՝ ադեկվատ պատրաստվել մրցաշարին և հանդիպումներ անցկացնել այնպիսի մարզադաշտում, որը կարող է տեղավորել մեր բոլոր երկրպագուներին։ Ո՛չ ես, ո՛չ խաղացողները, ո՛չ մարզչական շտաբը չենք ցանկանում խաղալ Հայաստանից դուրս և կորցնել հավատարիմ երկրպագուների աջակցությունը։ Բայց այդ հարցում մեզ անհրաժեշտ կլինի ՈՒԵՖԱ-ի կամ Հայաստանում սպորտի զարգացման համար պատասխանատու մարդկանց օգնությունը։
Նյութը հրապարակման պատրաստեց Կամո Խաչիկյանը