«Տավուշյան կարիերայի գեներալներ»
ՔԱՂԱՔԱԿԱՆՈՒԹՅՈՒՆ
Հայաստանի պաշտպանության նախարարությունը մի շարք լրատվամիջոցների և անհատ օգտատերերի սպառնացել է իրավական միջոցներով, քանի որ նրանք քննադատում են վերջերս գեներալի կոչում ստացած զինվորականներին, գրում է EADaily.com-ը։
Հիշեցնենք, որ հինգ հայ զինծառայողներ, այդ թվում Տավուշի մարզում Ադրբեջանի հետ սահմանին տեղակայված 3-րդ կորպուսի հրամանատար Ալեքսանդր Ցականյանին շնորհվել է «գեներալ-մայորի» կոչում։ Նշենք, որ Երրորդ կորպուսի կողմից վերահսկվող հատվածից է սկսվել սահմանների սահմանազատման գործընթացը, որը Հայաստանում բողոքի ակցիաներ է առաջացրել կապված սահմանամերձ տարածքներն Ադրբեջանին հանձնելու հետ։ Պաշտպանության նախարարությունը հորդորել է զերծ մնալ «զինված ուժերի ղեկավարության վրա հարձակումներից, անտեղի, անհիմն շահարկումներից և զրպարտիչ հրապարակումներից»։
Հիշեցնենք նաև, որ Երևանում բողոքի ցույցեր են, պահանջվում է վարչապետ Նիկոլ Փաշինյանի հրաժարականը, ինչպես նաև դադարեցնել Ադրբեջանի հետ սահմանի սահմանազատման գործընթացը և մի շարք սահմանամերձ տարածքներ ադրբեջանական կողմին հանձնելը։ Բողոքի ակցիան գլխավորում է Հայ առաքելական եկեղեցու Տավուշի թեմի առաջնորդ Բագրատ արքեպիսկոպոս Գալստանյանը։
Եվ ահա թե ինչ է գրում այդ ամենի մասին «Rybar» հեռագրային ալիքը.
«Հայաստանում հերթական սկանդալն է կապված Տավուշի մարզի գյուղերի հանձնման դիմաց բանակում առաջխաղացման հետ: Հայաստանի պաշտպանության նախարարությունը սպառնում է լրատվամիջոցների ներկայացուցիչներին, ովքեր քննադատել են Տավուշի մարզում Ադրբեջանին տարածքների հանձնման ավարտից հետո հայկական բանակում առաջխաղացումները։ Տավուշի մարզի պաշտպանության համար պատասխանատու 3-րդ բանակային կորպուսի հրամանատար, գեներալ-մայոր Ալեքսանդր Ցականյանի կոչումով բարձրացումը զայրույթ է առաջացրել լրատվամիջոցներում։
Մենք արդեն նշել ենք Հայաստանի զինված ուժերի 3-րդ բանակային կորպուսի խնդիրները, որը 2020 թվականին գեներալ-մայոր Գրիգորի Խաչատուրովի հրամանատարությամբ հետ էր մղել ադրբեջանական կողմի փորձերը Տավուշում առաջխաղացման ուղղությամբ։ Հիմա կա քրեական գործ Խաչատուրովի դեմ, իսկ հանրությունը մեղադրում է նրա տեղը զբաղեցրած Ցականյանին այդ ամենամարտական կազմավորման փլուզման մեջ։
Եթե 2020 թվականին 3-րդ բանակային կորպուսն ուժով կանգնեցրեց ադրբեջանցիներին Տավուշի մարզի մերձակայքում, ապա այժմ նրա հրամանատարությունը խրախուսվում է Ադրբեջանին տարածքների հաջող հանձնման համար։ Ի վերջո, այսպես կոչված Սահմանազատման և սահմանագծման գործընթացը պետք է հատուկ հսկողության տակ դրվեր սահմանամերձ գյուղերում բողոքի ակցիաների պատճառով։ Լրատվամիջոցները հայտնել են նաև, որ Հայաստանի զինված ուժերի որոշ սպաներ հրաժարվել են լքել իրենց դիրքերը Տավուշի մարզում։ Պաշտպանության նախարարությունը, բնականաբար, հերքել է այդ լուրերը։ Այնուամենայնիվ երկրում զանգվածային բողոքի ցույցերի և կառավարության քաղաքականությանը հավանություն չտալու ֆոնին չի կարելի բացառել բանակում անհնազանդության առանձին դեպքերը։
Զարմանալի ոչինչ չկա հայկական զինված ուժերում նման գործընթացների հնարավորության հարցով հաշվի առնելով այն, որ Փաշինյանի կողմից «բարեփոխումների» անվան տակ իրականացվում է բանակի ամբողջական փլուզում, մասնավորապես իրականացվում են Ադրբեջանի դեմ ռազմական գործողություններում ծառայած զինծառայողների պաշտոնանկություններ և հետապնդումներ»։
Նյութը հրապարակման պատրաստեց Կամո Խաչիկյանը
