Սերգեյ Պերմինովը Հայաստանի վարչապետի հրաժարականի հանրահավաքների մասին. «Կառավարության կայունությունը կարող է վտանգված լինել»
ՔԱՂԱՔԱԿԱՆՈՒԹՅՈՒՆ
Հայաստանում վարչապետ Նիկոլ Փաշինյանի հրաժարականի պահանջով բողոքի զանգվածային ցույցեր են ընթանում, որոնց մասնակիցները դեմ են Ադրբեջանի հետ սահմանի սահմանազատման գործընթացի դադարեցմանը, ինչպես նաև մի շարք սահմանային տարածքների ադրբեջանական կողմին փոխանցմանը, գրում է ivbg.ru-ն։
Լենինգրադի մարզի սենատոր Սերգեյ Պերմինովը LenTV24-ի հետ զրույցում կիսվել է ստեղծված իրավիճակի վերաբերյալ իր կարծիքով։ Նա նշել է, որ Հայաստանում լարված քաղաքական իրավիճակ է ստեղծվել, քանի որ Ադրբեջանի հետ սահմանի սահմանազատումը հասարակության մեջ հակասական արձագանք է առաջացրել:
«Կողմերի կարծիքների բևեռականությունը դժվարացնում է փոխզիջում գտնելը։ Ցավոք սրտի, Հայաստանի ղեկավարությունը նաև շարունակում է այնպիսի հայտարարություններ անել, որոնք չեն նպաստում մեր երկրի հետ բարեկամական հարաբերությունների պահպանմանը։ Դրանք բացահայտում են նրա Արևմուտքի հետ համագործակցության օգտին վերակողմնորոշելու փորձերի նկատմամբ համակրանքը»,- ասել է Սերգեյ Պերմինովը։
Սենատորը հավելել է, որ Փաշինյանը փորձառու քաղաքական գործիչ է, ով հասկանում է բողոքի շարժման տրամաբանությունն ու հնարավորությունները։
«Նա մեկ անգամ չէ, որ կարողացել է գլուխ հանել դրանից։ Միևնույն ժամանակ, Հայաստանի ապագա զարգացման վեկտորը շարունակում է բուռն բանավեճեր հարուցել հանրապետության քաղաքացիների շրջանում։ Առանց հասարակության համախմբման և նրա ուժեղ աջակցության, կառավարության կայունությունը կարող է վտանգված լինել»,- եզրափակել է Սերգեյ Պերմինովը:
Նյութը հրապարակման պատրաստեց Կամո Խաչիկյանը
