Տեղի է ունեցել Globe Soccer Awards-ը․ ովքե՞ր են մրցանակների արժանացել (տեսանյութ)
ՍՊՈՐՏ
Տեղի է ունեցել Globe Soccer Awards-ի հատուկ թողարկումը, որը նվիրված է եվրոպական ֆուտբոլին՝ «European Edition»: Հանձնվել են տարբեր մրցանակներ, այդ թվում՝ տարվա լավագույն ակումբ, տարվա լավագույն մարզիչ, տարվա լավագույն խաղացող։
Տարվա լավագույն եվրոպացի խաղացող մրցանակը բաժին է հասել «Պարի Սեն Ժերմենի» աստղ Կիլիան Մբապեին, ով իր ընդունելության խոսքում շնորհակալություն հայտնեց իր թիմին ու երկրպագուներին՝ ՊՍԺ-ն անվանելով «Ֆրանսիայի լավագույն թիմը»:
Տարվա լավագույն մարզիչ. Խաբի Ալոնսոն այս պատվին արժանացել է Լևերկուզենի «Բայերին» անպարտելի մրցաշրջանում պատմական ներքին դուբլի տանելուց հետո:
Տղամարդկանց՝ տարվա լավագույն ակումբ. «Մանչեսթեր Սիթին» արժանացել է այս տիտղոսին չորրորդ անգամն անընդմեջ Պրեմիեր լիգայում հաղթելուց հետո:
Կանանց՝ տարվա լավագույն ակումբ. «Բարսելոնան» ստացել է այս մրցանակը կանանց անվանակարգում:
Տարվա լավագույն ռմբարկու. այս մրցանակին արժանացել է Մյունխենի «Բավարիայի» հարձակվող Հարի Քեյնը:
Տարվա բեկում. ճանաչվել է «Ատալանտան» Եվրոպայի լիգայում հաղթելու համար:
Տարվա զարգացող խաղացող. այս տիտղոսին արժանացել է «Բարսելոնայի» երիտասարդ տաղանդը՝ հարձակվող Լամին Յամալը:
