Զատուլին. Հայաստանն ինտեգրացիային վերաբերվում է ինչպես Շվեդական սեղանին
ՔԱՂԱՔԱԿԱՆՈՒԹՅՈՒՆ
ՀԱՊԿ-ի ֆինանսավորումը դադարեցնելու մասին Հայաստանի արտգործնախարարության հայտարարությունը Ռուսաստանից հեռանալու այն ծրագրի մի մասն է, որը ենթադրում է պահպանել համագործակցության առավելություններն այնտեղ, որտեղ դա կարևոր է, հայտարարել է Պետդումայի ԱՊՀ գործերով կոմիտեի նախագահի առաջին տեղակալ Կոնստանտին Զատուլինը, գրում է iarex.ru-ն։
«Ես վաղուց եմ նկատել, որ ոչ միայն Հայաստանը, այլ նաև շատ ուրիշները, և հիմա, և հավանաբար հետո, փորձում և փորձելու են ինտեգրմանը վերաբերվել ինչպես Շվեդական սեղանի, այսինքն ինքնասպասարկում է, սա ինձ դուր է գալիս՝ ուրեմն վերցնում եմ, իսկ սա ինձ հետաքրքիր չէ՝ ինքներդ զբաղվեք դրանով»,- ասել է Զատուլինը։
Սակայն Հայաստանի դեպքում դա ավելի քան սկանդալային է, կարծում է խորհրդարանականը։ «Որովհետև Հայաստանը, նույնիսկ Փաշինյանի օրոք, որոշ ժամանակ հետաքրքրություն էր ցուցաբերում Ռուսաստանի հետ ռազմաքաղաքական հարաբերությունների նկատմամբ, պահանջում էր, որ Ռուսաստանը գրեթե պատերազմի մեջ մտնի Հայաստանի կողմից, և ավելին, 1920 թվականից հետո պարտության ամբողջ պատասխանատվությունը գցեց Ռուսաստանի վրա, այսինքն ինքը հրաժարվել է իր հայրենակիցների հանդեպ ստանձնած պարտավորություններից, և հիմա շահարկելով տեղի ունեցածը փորձում է Ռուսաստանին մեղադրել իր ձախողման մեջ»,- նշել է պատգամավորը։
Նա համոզված է, որ ՀԱՊԿ-ի ֆինանսավորումը դադարեցնելու Հայաստանի որոշումը «մեկ շղթայի օղակ է»։ «Ռուսաստանից հեռանալու ընդհանուր ծրագրի անբաժանելի մասն է կազմում հնարավորության դեպքում պահպանել Ռուսաստանի հետ համագործակցության այն առավելությունները, որոնք կարևոր են թվում Հայաստանի վարչապետին և նրա կառավարությանը», - ասել է Զատուլինը:
Նյութը հրապարակման պատրաստեց Կամո Խաչիկյանը
